Actualitats
Peireguers: recampament lo 21 de mai per una lei de las lengas
Lo collectiu vòl forçar l’Assemblada francesa a reprene lo subjècte d’una lei per las lengas
Lo 21 de mai que ven se debanarà a Peireguers una manifestacion per revendicar una lei de las lengas. Lo collectiu Peiregòrd Occitan pensan qu’es ora de prene las causas en man, après tant de malescasudas per far legiferar sus las lengas, çò rapòrta La Setmana.
En luòc d’una manifestacion tradicionala, amb passacarrièra e megafòns, lo collectiu Peiregòrd Occitan pensan a un rassemblament que se farà a 17h a la Plaça de la Ciutat. Ailà, dins l’estil de las darrièras protèstas de la Nuèch de Pè, i aurà primièr de presas de paraula seguidas d’un grand balèti. “Serà l’escasença d’amassar de mond a un endrech precís per discutir e far fèsta, dins aquelas condicions es mai de bon far de rescontres, discutir, debatre o prene de contactes que pendent una manifestacion tradicionala”, çò diguèt Marçau Peyrouny a La Setmana.
Far pression suls deputats
En mai d’aquò, lo collectiu vòl forçar l’Assemblada francesa a reprene lo subjècte d’una lei per las lengas. Après la malescasuda de la proposicion de lei constitucionala portada pel deputat breton Paul Molac, que demandava la proteccion de las lengas minorizadas dins l’educacion e dins los mèdias publics, la còla de Peiregòrd Occitan creson de s’apiejar sus la proposicion de lei de Le Fur. “Los ciutadans se devon mesclar de çò que los pertòcan, se o fasèm pas, degun o farà pas”, çò precisèt Peyrouny a La Setmana.
Per tant, los de Peiregòrd Occitan portaràn un tèxt al deputat socialista Pascal Deguilhem, per que lo pòrte a l’Assemblada francesa. En mai d’aquò, se demanda que totes los actors se mobilizen e vesiten lors deputats que fan partida del grop d’estudis parlamentaris sus las lengas. Dins aquel sens suggerís als militants del departament dels Pirenèus Atlantics de vesitar la deputada Colette Capdevielle, o que los de Gironda vesiten Martine Faure e Alain Rousset.
Per assegurar la pression, los sòcis del Collectiu son plan decidits a far de ponheduras de recòrd pro regularas. Lo seguiment sul tèxt de lei portat al deputat contunharà pendent l’estiu. Lo 1r d’octòbre, quand lo Bornat de Peiregòrd recebrà lo grop Nadau a Marçac, lo Collectiu Occitan Peiregòrd auçarà tanben la votz.
En luòc d’una manifestacion tradicionala, amb passacarrièra e megafòns, lo collectiu Peiregòrd Occitan pensan a un rassemblament que se farà a 17h a la Plaça de la Ciutat. Ailà, dins l’estil de las darrièras protèstas de la Nuèch de Pè, i aurà primièr de presas de paraula seguidas d’un grand balèti. “Serà l’escasença d’amassar de mond a un endrech precís per discutir e far fèsta, dins aquelas condicions es mai de bon far de rescontres, discutir, debatre o prene de contactes que pendent una manifestacion tradicionala”, çò diguèt Marçau Peyrouny a La Setmana.
Far pression suls deputats
En mai d’aquò, lo collectiu vòl forçar l’Assemblada francesa a reprene lo subjècte d’una lei per las lengas. Après la malescasuda de la proposicion de lei constitucionala portada pel deputat breton Paul Molac, que demandava la proteccion de las lengas minorizadas dins l’educacion e dins los mèdias publics, la còla de Peiregòrd Occitan creson de s’apiejar sus la proposicion de lei de Le Fur. “Los ciutadans se devon mesclar de çò que los pertòcan, se o fasèm pas, degun o farà pas”, çò precisèt Peyrouny a La Setmana.
Per tant, los de Peiregòrd Occitan portaràn un tèxt al deputat socialista Pascal Deguilhem, per que lo pòrte a l’Assemblada francesa. En mai d’aquò, se demanda que totes los actors se mobilizen e vesiten lors deputats que fan partida del grop d’estudis parlamentaris sus las lengas. Dins aquel sens suggerís als militants del departament dels Pirenèus Atlantics de vesitar la deputada Colette Capdevielle, o que los de Gironda vesiten Martine Faure e Alain Rousset.
Per assegurar la pression, los sòcis del Collectiu son plan decidits a far de ponheduras de recòrd pro regularas. Lo seguiment sul tèxt de lei portat al deputat contunharà pendent l’estiu. Lo 1r d’octòbre, quand lo Bornat de Peiregòrd recebrà lo grop Nadau a Marçac, lo Collectiu Occitan Peiregòrd auçarà tanben la votz.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Nomai hi ha un camin e es trebalhar per la nostra causa occitana e catalana.
Excellenta iniciativa. Cal pas se daissar abatre per lo fracàs de la proposicion de Molac e contunhar de butar sens relambi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari