Actualitats
Tèrratrem de magnitud 4 en Bearn
Es pas lo primièr còp que la tèrra tremola en Bearn en consequéncia de l’extraccion de gas dempuèi mai de 50 ans
Un tèrratrem de magnitud 4.0 segotiguèt Bearn ièr diluns a 6h44, çò rapòrta lo ret estatal de susvelhança sismica (RENASS).
Los pompièrs recebèron divèrses apèls tocant lo sisme, mas cap d’eles requeriguèt pas d’intervencion dels secorses. Segon lo cap de la sala dels pompièrs, se tractava simplament de “personas inquietas que desiravan de saber s’eras èran las solas a l’aver sentit”, çò rapòrta Sud Ouest.
Divèrses sismes a causa de l’extraccion de gas
L’epicentre èra situat a Urdès, al nòrd de Lac, a cinc quilomètres de prigondor, e las segotidas se son sentidas per tot l’oèst de Bearn e dins lo Bacin de Lac, ont l’esplecha de gas pòt èsser a l’origina del tèrratrem.
Es pas lo primièr còp que la tèrra tremola en Bearn en consequéncia de l’extraccion de gas dempuèi mai de 50 ans. “Abans l’extraccion del gas, i aviá pauc de sismes. Los microsismes son apareguts una quinzena d’ans après lo començament de l’esplecha del gas”, çò declarava ja en 2013 lo sismològ Mathieu Sylvander de l’Universitat de Tolosa, en seguida d’un tèrratrem. Es çò que los especialistas li dison un “sisme induch”.
Los pompièrs recebèron divèrses apèls tocant lo sisme, mas cap d’eles requeriguèt pas d’intervencion dels secorses. Segon lo cap de la sala dels pompièrs, se tractava simplament de “personas inquietas que desiravan de saber s’eras èran las solas a l’aver sentit”, çò rapòrta Sud Ouest.
Divèrses sismes a causa de l’extraccion de gas
L’epicentre èra situat a Urdès, al nòrd de Lac, a cinc quilomètres de prigondor, e las segotidas se son sentidas per tot l’oèst de Bearn e dins lo Bacin de Lac, ont l’esplecha de gas pòt èsser a l’origina del tèrratrem.
Es pas lo primièr còp que la tèrra tremola en Bearn en consequéncia de l’extraccion de gas dempuèi mai de 50 ans. “Abans l’extraccion del gas, i aviá pauc de sismes. Los microsismes son apareguts una quinzena d’ans après lo començament de l’esplecha del gas”, çò declarava ja en 2013 lo sismològ Mathieu Sylvander de l’Universitat de Tolosa, en seguida d’un tèrratrem. Es çò que los especialistas li dison un “sisme induch”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari