La Comunautat de Comunas de Savés met en valor la cultura occitana per far promocion del país. Aital, l’ofici de torisme de Savés (Savés 31) organiza lo 4 de junh que ven a Riumas la primièra edicion de la Hèira de Savés (dison e escrivon “Savès Hèiro”). La tòca d’aquel eveniment es de presentar las activitats toristicas, culturalas e de léser del país e se desvoloparà a l’entorn d’un mercat de brostaires, d’una exposicion d’animals, d’un mercat de productors locals, de passejadas —a pè, a caval o en bicicleta—, d’un vilatge associatiu, d’una exposicion d’artisans, d’animacions, de demostracions, de repaisses de produches del terraire, etc.
 
La cultura occitana se farà ben presenta amb de concèrts de musica del país, una exposicion sus l’escrivan Onorat Dambielle, una demostracion de danças gasconas, etc.
 
En mai d’aquò, s’organiza un concors d’espaventals dins l’encastre de la fièra.