Actualitats
Delaware, lo Panamà dels Estats Units
Dins aquel petit estat i a mai de societats domiciliadas que d’abitants
Delaware es lo primièr estat que ratifiquèt la constitucion dels Estats Units en decembre de 1787. A l’ora d’ara assosta nòu cents mila abitants, mas es lo sèti fiscal de mai d’un milion de societats, dont lo 66% de las 500 societats estatsunidencas mai importantas a la borsa, segon çò que rapòrta Vilaweb.
Las chifras d’aquel territòri que li dison lo “Primièr Estat” (“First State”) son pròprias d’un paradís fiscal, e per tant, fòrça païses considèran que Delaware n’es un. Las societats i pagan un 0% de taxas d’investiments e de proprietat intellectuala. En mai d’aquò, lo secretisme i es important: en Delaware, coma en Panamà, i a una granda facilitat per crear lèu-lèu de societats, quora realas, quora fictivas, sovent mejançant de prèstanoms, e sens cap d’obligacion de raportar l’activitat a las autoritats.
Aquò poiriá èsser una explicacion al fach que i aja practicament pas de noms estatsundencs dins los diches “papièrs de Panamà”.
E mai se l’estat de Delaware ofrissiá ja dempuèi lo sègle XIX fòrça facilitats per que las societats s’i installèsson, las leis se son modificadas dins los darrièrs decennis per prepausar de servicis pròpris d’un paradís fiscal.
Obama es lèst per reformar aquel paradís fiscal
Aquela opacitat es justament dins lo ponch de mira del president Barack Obama. A travèrs del secretari adjonch del Tresaur dels Estats Units, Robert Stack, l’Ostal Blanc impulsa un nòu reglament per obligar los accionaris de las societats domiciliadas dins los estats de Delaware, Nevada e Wyoming de revelar lors identitats. Fa qualques setmanas, Stack explicava als jornalistas de Le Monde l’intencion de la mesura:
Las chifras d’aquel territòri que li dison lo “Primièr Estat” (“First State”) son pròprias d’un paradís fiscal, e per tant, fòrça païses considèran que Delaware n’es un. Las societats i pagan un 0% de taxas d’investiments e de proprietat intellectuala. En mai d’aquò, lo secretisme i es important: en Delaware, coma en Panamà, i a una granda facilitat per crear lèu-lèu de societats, quora realas, quora fictivas, sovent mejançant de prèstanoms, e sens cap d’obligacion de raportar l’activitat a las autoritats.
Aquò poiriá èsser una explicacion al fach que i aja practicament pas de noms estatsundencs dins los diches “papièrs de Panamà”.
E mai se l’estat de Delaware ofrissiá ja dempuèi lo sègle XIX fòrça facilitats per que las societats s’i installèsson, las leis se son modificadas dins los darrièrs decennis per prepausar de servicis pròpris d’un paradís fiscal.
Obama es lèst per reformar aquel paradís fiscal
Aquela opacitat es justament dins lo ponch de mira del president Barack Obama. A travèrs del secretari adjonch del Tresaur dels Estats Units, Robert Stack, l’Ostal Blanc impulsa un nòu reglament per obligar los accionaris de las societats domiciliadas dins los estats de Delaware, Nevada e Wyoming de revelar lors identitats. Fa qualques setmanas, Stack explicava als jornalistas de Le Monde l’intencion de la mesura:
“Volèm presentar aquela reforma rapidament. Es important que nosautres, los Estats Units, nos inscrigam dins lo movement mondial de transparéncia. Es pas acceptable qu’una entitat se crèe sul nòstre territòri sens qu’òm pòsca pas saber qui es son accionari ni per qui aquela societat es utilizada. Es important de protegir lo fisc american.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los mai corruptes son l'Imperi. Qui es creu lo contrari es que és retrassat mental.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari