Actualitats
Emmanuel Macron increpat en Auvèrnhe
Lo ministre de l'economia francés se trobèt fàcia a l’oposicion dels obrièrs quand vesitava una usina a Soire
Lo ministre francés del trabalh foguèt increpat per de manifestants a Soire (Limanha) quand vesitava l’entrepresa Rexiaa. Un cinquantenat d’obrièrs l’esperavan per li mostrar lor oposicion a la reforma del còde del trabalh, la nomenada Lei El-Khomri, qu’es a generar de protèstas per tot l’estat francés. Las camèras d’iTélé captèron lo moment.
La reforma del còde del trabalh
Dins la linha de çò que marca la tròica, aquela reforma ditz voler “protegir los salariats, favorir l’emplec e donar mai de marge de manòbra a la negociacion en entrepresa”. Dins la practica, manten la setmana de 35 oras, mas facilita los licenciaments, permet d’esperlongar la durada de la jornada de trabalh sens besonh d'acòrdi amb los trabalhadors, e permet de far demenir la remuneracion de las oras suplementàrias.
Los sindicats refusan quitament la nòva version que lo primièr ministre Manuel Valls presentèt lo 14 de març passat, en seguida de fòrça protèstas e d'una autra jornada de cauma generala que mobilizèt mai de 250 000 personas segon los principals mèdias. Aquela rescritura a pas convencut los sindicats: la CGT e l’UNÈF mantenon lor oposicion. En mai d’aquò, lo patronat, representat pel MEDÈF, qu’èra en favor del nòu projècte de lei, ara se ditz decebut.
Valls presentèt una version “corregida” de sa proposicion de lei, coneguda coma “Lei Trabalh” o “Lei El Khomri”, amb qualques cambiaments. Lo mai remarcable seriá que lo barèm que deu limitar las indemnitats per licenciament serà solament “indicatiu”.
De protèstas per tot l’estat francés
Las protèstas qu’a generat aquela reforma culminèron lo 31 de març en una cauma generala. A partir d’aquel moment, se quilhèt lo movement nomenat Nuèch de Pè (Nuit Debout), que dempuèi lo 31 de març ocupa la Plaça de la Republica de París, s’estend per tot l’estat francés e quitament a Brussèlas, Berlin, Madrid, Saragossa e qualques vilas dels Païses Catalans. L’iniciativa amassa de milièrs de joves que cada jorn arriban a las plaças amb los afars per campar e s’organizar en assembladas e comissions.
En Occitània lo movement es arribat almens a Avinhon, Bordèu, Clarmont, Lemòtges, lo Telh, Marselha, Montpelhièr, Niça, Nimes, Pau, Rodés, Tolosa, Tula, Valença e Vilafranca de Roergue.
La protèsta seguís la cauma generala del 31 de març passat per protestar contra la reforma del còde del trabalh, la dicha Lei El-Khomri, e aquela cauma se tenguèt jos la crida dels principals sindicats interprofessionals, de qualques organizacions d’estudiants e de fòrça collectius. Pasmens, los manifestants ocupan las plaças e i demòran de nuèch, dreches, de pè, tanben per protestar contra l’estat d’emergéncia e d’autras luchas socialas. Per tant, lo movement es vengut una convergéncia dels movements ecologistas, antimilitaristas e d’autres ciutadans malcontents e decebuts a causa de las politicas del govèrn de Manuel Valls; que denóncian quatre ans de mesuras liberalas e reclaman un cambiament.
La reforma del còde del trabalh
Dins la linha de çò que marca la tròica, aquela reforma ditz voler “protegir los salariats, favorir l’emplec e donar mai de marge de manòbra a la negociacion en entrepresa”. Dins la practica, manten la setmana de 35 oras, mas facilita los licenciaments, permet d’esperlongar la durada de la jornada de trabalh sens besonh d'acòrdi amb los trabalhadors, e permet de far demenir la remuneracion de las oras suplementàrias.
Los sindicats refusan quitament la nòva version que lo primièr ministre Manuel Valls presentèt lo 14 de març passat, en seguida de fòrça protèstas e d'una autra jornada de cauma generala que mobilizèt mai de 250 000 personas segon los principals mèdias. Aquela rescritura a pas convencut los sindicats: la CGT e l’UNÈF mantenon lor oposicion. En mai d’aquò, lo patronat, representat pel MEDÈF, qu’èra en favor del nòu projècte de lei, ara se ditz decebut.
Valls presentèt una version “corregida” de sa proposicion de lei, coneguda coma “Lei Trabalh” o “Lei El Khomri”, amb qualques cambiaments. Lo mai remarcable seriá que lo barèm que deu limitar las indemnitats per licenciament serà solament “indicatiu”.
De protèstas per tot l’estat francés
Las protèstas qu’a generat aquela reforma culminèron lo 31 de març en una cauma generala. A partir d’aquel moment, se quilhèt lo movement nomenat Nuèch de Pè (Nuit Debout), que dempuèi lo 31 de març ocupa la Plaça de la Republica de París, s’estend per tot l’estat francés e quitament a Brussèlas, Berlin, Madrid, Saragossa e qualques vilas dels Païses Catalans. L’iniciativa amassa de milièrs de joves que cada jorn arriban a las plaças amb los afars per campar e s’organizar en assembladas e comissions.
En Occitània lo movement es arribat almens a Avinhon, Bordèu, Clarmont, Lemòtges, lo Telh, Marselha, Montpelhièr, Niça, Nimes, Pau, Rodés, Tolosa, Tula, Valença e Vilafranca de Roergue.
La protèsta seguís la cauma generala del 31 de març passat per protestar contra la reforma del còde del trabalh, la dicha Lei El-Khomri, e aquela cauma se tenguèt jos la crida dels principals sindicats interprofessionals, de qualques organizacions d’estudiants e de fòrça collectius. Pasmens, los manifestants ocupan las plaças e i demòran de nuèch, dreches, de pè, tanben per protestar contra l’estat d’emergéncia e d’autras luchas socialas. Per tant, lo movement es vengut una convergéncia dels movements ecologistas, antimilitaristas e d’autres ciutadans malcontents e decebuts a causa de las politicas del govèrn de Manuel Valls; que denóncian quatre ans de mesuras liberalas e reclaman un cambiament.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 E sinistre non es senestra… A l'estat francés, tenèm tres dreitas. I a la dreita xenofòba sens vergonha, ultraliberala plan segur, la dreita pretendua "republicana", ultraliberala e sens vergonha tanben, e la dreita socialista, ultraliberala encara qu'un pauqueton vergonhosa. Los tres qualifican tota posicion politica encara un pauc d'esquèrra de fantasiosa, utopista e despassada. E estant que dire NON fa páur als pòbles de l'estat francés, aquel fotut estat es pas encara prèste de passar a esquèrra… La borgesiá i pòt dormir tranquilla.
lo PSOE , lo PS francès son pas de sinistra, companh !
M'encanta quand un ministre sinistre de l'estat colonial es aculhit pel pòble occitan a la mesura de son mesprètz
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari