Una sèrp coralh, longa de 45 centimètres, de mossegada mortala, foguèt capturada lo 14 d’agost passat sul parquing d’un ipermercat de Juvinhac (Montpelhierenc), segon d’informacions de Midi Libre.
 
Foguèt una clienta que veniá recuperar la siá veitura que visquèt lo tressaut en descobrissent aquela sèrp dicha “micrurus”, de color roja, irange e negra, vivent dins la selva amazoniana e en America Centrala. La siá mossegada es mortala pr’amor d’un poderós veren.
 
Segon Midi Libre, la polícia municipala de Juvinhac capturèt la sèrp. L’animal es pas estat reclamat. Benlèu se seriá escapat de l’abitatge d’un colleccionaire d’animals exotics escasses, un afogat de çò qu’apèlan los NACs, çò es, los “nòus animals de companhiá”.