Actualitats
Russia avertís que l’Estat Islamic encaissa de milions de dolars per la venda d’antiquitats amb la collaboracion de Turquia
De milicians de l’Estat Islamic en Siria e en Iraq encaissan entre 150 e 200 milions de dolars per an, provenent del comèrci illegal d’antiquitats panadas, çò diguèt l’ambaissador de Russia a l’ÒNU dins una letra divulgada al començament d’abril.
“Aperaquí 100 000 objèctes culturals d’importància globala, compreses 4500 sits arqueologics, que 9 d’entre eles son dins la lista del Patrimòni Mondial de l’UNÈSCO, son jos lo contraròtle de l’Estat Islamic”, çò diguèt l’ambaissador Vitalii Churkin dins una letra al Conselh de Seguretat de las Nacions Unidas.
“Lo profièch dels islamistas provenent del comèrci illicit en antiquitats e tresaurs arqueologics s’estima aperaquí a 150-200 milions de dolars estatsunidencs”, çò apondèt.
La contrabanda d’objèctes es organizada per la division de las antiquitats del grop, qu’equival a una sòrta de ministèri de las ressorsas naturalas. Sols los qu’an un permés de la division pòdon excavar, traire e transportar las antiquitats.
L’enviat de Russia, qu’a acusat repetidament Turquia de sosténer l’Estat Islamic en crompant de petròli, a dich que las antiquitats panadas sòrton sus lo mercat internacional en passant coma contrabanda per lo territòri turc.
“Lo principal centre per la contrabanda del patrimòni cultural es la vila turca de Gaziantep, ont los bens panats son venduts dins d’enquants illegals, puèi a travèrs d’un ret de botigas d’antiquitats e dins lo mercat local”, çò escriu Churkin.
Los representants turcs an pas fach de comentaris sus las acusacions russas. Churkin diguèt que los joièls, las monedas e d’autres articles panats son menats a las vilas turcas d’Esmirna, Mersin e Antalya, ont de grops criminals produson de documents falses sus lor origina.
“Las antiquitats sovent son ofèrtas a de colleccionaires de divèrses païses, generalament a travèrs de sits d’enquants sus Internet coma Ebay e de botigas en linha especializadas”, çò expliquèt.
Aqueste article es adaptat de Geopolítica.cat amb qui Jornalet a un acòrdi de cooperacion
De legir sus Il Giornale: Is, il traffico d’arte passa in Turchia
“Aperaquí 100 000 objèctes culturals d’importància globala, compreses 4500 sits arqueologics, que 9 d’entre eles son dins la lista del Patrimòni Mondial de l’UNÈSCO, son jos lo contraròtle de l’Estat Islamic”, çò diguèt l’ambaissador Vitalii Churkin dins una letra al Conselh de Seguretat de las Nacions Unidas.
“Lo profièch dels islamistas provenent del comèrci illicit en antiquitats e tresaurs arqueologics s’estima aperaquí a 150-200 milions de dolars estatsunidencs”, çò apondèt.
La contrabanda d’objèctes es organizada per la division de las antiquitats del grop, qu’equival a una sòrta de ministèri de las ressorsas naturalas. Sols los qu’an un permés de la division pòdon excavar, traire e transportar las antiquitats.
L’enviat de Russia, qu’a acusat repetidament Turquia de sosténer l’Estat Islamic en crompant de petròli, a dich que las antiquitats panadas sòrton sus lo mercat internacional en passant coma contrabanda per lo territòri turc.
“Lo principal centre per la contrabanda del patrimòni cultural es la vila turca de Gaziantep, ont los bens panats son venduts dins d’enquants illegals, puèi a travèrs d’un ret de botigas d’antiquitats e dins lo mercat local”, çò escriu Churkin.
Los representants turcs an pas fach de comentaris sus las acusacions russas. Churkin diguèt que los joièls, las monedas e d’autres articles panats son menats a las vilas turcas d’Esmirna, Mersin e Antalya, ont de grops criminals produson de documents falses sus lor origina.
“Las antiquitats sovent son ofèrtas a de colleccionaires de divèrses païses, generalament a travèrs de sits d’enquants sus Internet coma Ebay e de botigas en linha especializadas”, çò expliquèt.
Aqueste article es adaptat de Geopolítica.cat amb qui Jornalet a un acòrdi de cooperacion
De legir sus Il Giornale: Is, il traffico d’arte passa in Turchia
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los de l'Estat Islamic,la turquia,Arabia Saudita, l'Imperi, e tota la colha de l'otan.
Russia avertís que l’Estat Islamic encaissa de milions de dolars per la venda d’antiquitats amb la collaboracion de Turquia. Mas Russia me sembla plan cortesa de non denonciar pas, dins lo meteis temps, las autras estructuras que co-finançan aquel apleit de desetabilizacion politica que constituís DAESH, per unes estats que se tròban en concurréncia dirècta amb Russia per influIr economicament e diplomaticament subre l'Orient Mejan…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari