Era Val d’Aran es estada pendent dus dies era sedença deth Ir Seminari des Pirenèus de Seguiment Transfrontalèr dera Fauna Sauvatja. L’organizauen eth Conselh Generau d’Aran; er Ofici Nacionau dera Caça e dera Fauna Sauvatja de França; eth Departament deth Territòri e dera Sostenabilitat damb eth Departament dera Agricultura, Ramaderia, Pesca e Alimentacion dera Generalitat de Catalonha. Er objectiu ei d’aplicar e normalizar es prètzhèts conjunts sus era gestion transfrontalèra dera fauna sauvatja, tant enes aspèctes tecnics coma enes policièrs, atau coma era sua metodologia.
 
Aguesti dus dies, es 26 e 27 d’abriu, es assistents ath seminari an tractat tèmes de cooperacion transfrontalèra damb es tematiques seguentes:
   
S’ei realizat tecniques d’assisténcia damb cans.
 
Ath delà, tanben s’ei realizat taules redones de perspectives de futur:
   
Pendent er acte de clavadura en “era Audiovisuau” de Vielha, eth sindic d’Aran, Carlos Barrera, a manifestat: “s’ei hèt evident que ja existís mès collaboracion transfrontalèra que çò que semblaue, ei cèrt qu’aguesta collaboracion ei sus espècies de fauna sauvatja fòrça concretes e que cau portar tanben era gestion integrau de totes es espècies protegides e cinegetiques”.
 
Barrera a hijut: “era Val d’Aran a mostrat era sua volontat d’èster eth punt d’amassada deth prochan seminari e constituir atau un «forum» permanent entà poder debàter cada dus ans sus era gestion dera fauna sauvatja en massís des Pirenèus damb ua estreta collaboracion e un escambi de dades entà conéisher era sua evolucion”.
 
 
 
 
Núria Sanjuan
Conselh Generau d’Aran