Actualitats
Se finança una manifestacion neofaissista amb d’argent del Parlament Europèu
Lo partit europèu Aliança per la Patz e la Libertat a canalizat 200 000 èuros de sa subvencion a l’organizacion de l’eveniment
Los partits neonazis europèus poiràn organizar un acamp lo 28 de mai que ven a Estocòlme (Suècia), finançat amb d’argent obtengut del Parlament Europèu, çò rapòrta la revista suedesa Expo, e o confirma Vilaweb.
Dins aquela manifestacion i aurà de membres d’Aliança per la Patz e la Libertat (APF en anglés, APL en occitan), un partit europèu qu’amassa los neonazis grècs de Chrysi Avgi (Alba Daurada), lo Partit Nacional Democratic Alemand (NPD), los italians de Fòrça Nòva (FN) e lo partit nacionalista suedés Svenskarnas (SvP), entre d’autres. Segon çò que rapòrta Expo, l’APF recep una subvencion de 400 000 èuros del Parlament Europèu, que 197 625 son estats canalizats a la fondacion filonazi Europa Terra Nostra, qu’organiza aquel recampament.
An nomenat aquel acamp “Manhem Day”, e dins las activitats previstas i a de conferéncias fachas per de neonazis coneguts coma Magnus Söderman, èx-militant de l’organizacion Motståndsrörelsen (Resisténcia Nordista), que se jonguèt a l‘SvP en 2012, o Jonas De Geer, dirigent faissista conegut qu’es ara dins l’SvP.
Escàndol al Parlament Europèu
Dins lo Parlament Europèu, plusors èurodeputats comprenon pas que de partits que fomentan la xenofobia, lo racisme e l’islamofobia, recébian aquel argent public. Es per aquò que dimècres que ven se debatrà aquel afar, a la demanda del president de la cambra Martin Schulz. Aqueste a ja manifestat, en d’autras escasenças, que vòl reformar lo finançament dels partits europèus.
Dins aquela manifestacion i aurà de membres d’Aliança per la Patz e la Libertat (APF en anglés, APL en occitan), un partit europèu qu’amassa los neonazis grècs de Chrysi Avgi (Alba Daurada), lo Partit Nacional Democratic Alemand (NPD), los italians de Fòrça Nòva (FN) e lo partit nacionalista suedés Svenskarnas (SvP), entre d’autres. Segon çò que rapòrta Expo, l’APF recep una subvencion de 400 000 èuros del Parlament Europèu, que 197 625 son estats canalizats a la fondacion filonazi Europa Terra Nostra, qu’organiza aquel recampament.
An nomenat aquel acamp “Manhem Day”, e dins las activitats previstas i a de conferéncias fachas per de neonazis coneguts coma Magnus Söderman, èx-militant de l’organizacion Motståndsrörelsen (Resisténcia Nordista), que se jonguèt a l‘SvP en 2012, o Jonas De Geer, dirigent faissista conegut qu’es ara dins l’SvP.
Escàndol al Parlament Europèu
Dins lo Parlament Europèu, plusors èurodeputats comprenon pas que de partits que fomentan la xenofobia, lo racisme e l’islamofobia, recébian aquel argent public. Es per aquò que dimècres que ven se debatrà aquel afar, a la demanda del president de la cambra Martin Schulz. Aqueste a ja manifestat, en d’autras escasenças, que vòl reformar lo finançament dels partits europèus.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los partits faissistes quan pugen es perquè reben unas ajudas molt fortas, dels sistemas financers, los militars, etc. Atal passà amb hitler, i encara aguet de menester l'ajuda dels militars amb un cop d'estat per levar la democràcia.
Dins lo Parlament Europèu, plusors èurodeputats comprenon pas que de partits que fomentan la xenofobia, lo racisme e l’islamofobia, recébian aquel argent public. Aquel ponherat de deputats europèus que s'indignan ben a rason, sortisson de l'uòu tot bèl just, o nos prenon per d'ases ? Sempre, a la borgesiá que mena lo mond, li agradaràn mai partits faissistas e republicas bananièrias (made in CIA) que non pas democracias e partits progressistats realament progressistas e efectivament a esquèrra. Tre que l'olor d'insurreccion generalizada e republicana se passeja per l'aire, te sortisson de darrièr los faisses un generalòt franquista o un arganhòl estabosit qu'udola amb los lopasses a la raça superiora, per venir metre bon òrdre a tota contestacion sociala efectiva e operativa. Res de nòu jol solelh…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari