Lo francés Jean-Michel Cheneau es un afogat de la genealogia dempuèi sos dotze ans. De primièr amb l’ajuda del sieu paire, e après tot sol, a capitat de far un arbre familial que remonta a 1650.
 
Fruch de 15 000 oras de recèrca, Cheneau decidiguèt fin finala de convidar 24 000 membres identificats de la siá familha a una “cosinada”, que se debanèt la dimenjada passada.
 
Gaireben cinc mila “parents” anèron fins a Saint-Christophe-du-Ligneron (en Vendèa, Peitau e Aguiaina), fòrça près d’ont èran, fa mai de tres sègles e mièg, los païsans Georges Porteau e Madeleine Boilève, que foguèron los lors ancessors.
 
A l’endrech de l’amassada de cosins, Cheneau i placèt un arbre genealogic de cinc cents mètres per que totes los convidats s’i poguèsson localizar. Entre los assistents, comentava l’organizaire, i aviá de parents alonhats venent de païses coma Brasil, Canadà e los Estats Units; mas tanben de totes los païses de l’Estat francés.