Actualitats
Cantèra de protèsta a Tolosa contra la barradura de la plaça del Capitòli per la Fèsta de la Musica
Lo movement occitanista organiza un recampament musical e festiu per revendicar que la fèsta deu èsser populara
En plena efervescéncia del movement de la Nuèch de Pè, la data de la Fèsta de la Musica se sarra a Tolosa. Ongan, per de rasons de seguretat dins l’encastre del plan Vigipirate e a causa de l’estat d’urgéncia decretat per l’executiu francés, es estat decidit que l’espectacle se farà a pòrta barrada.
La plaça del Capitòli de Tolosa vendrà una fortalesa ont i poiràn entrar sonque los qu’auràn reservada lor intrada sul sit web de la comuna e seràn anats, individualament e en persona, quèrre lor braçalet d’acreditacion al Zénith. A mai, las personas qu’accediràn a la plaça —un espaci public— poiràn èsser somesas a d’escorcolhs, pas sonque de lors afars personals mas tanben corporals.
Aquò a menat lo movement Nuèch de Pè de Tolosa a organizar una protèsta en encoratjant las gents a reservar d’intradas, a anar quèrre lo braçalet e a entrar pas sus la plaça, en tot protestar a l’exterior del perimètre. Dins aquela dralha, lo movement occitanista a convocat una cantèra de protèsta per reclamar una fèsta de la musica populara e enrasigada sul territòri.
Los organizaires de la cantèra de protèsta denóncian que l’estat d’urgéncia (adoptat pel biais de la lei 55-385/1955 del 3 d’abril, abans la quita constitucion de la cinquena republica francesa) permeta d’efectuar d’arrestacions e d’escorcolhs domiciliaris, de decretar de cobrifuòcs e de restrénher l’accès dels ciutadans a d’endreches quitament de faiçon arbitrària e sens que calga cap de justificacion. Remarcan tanben que la plaça del Capitòli es un luòc public que se barra per un eveniment pagat per totes los tolosans e critican la question dels escorcolhs. Argumentan que la capacitat de la plaça es de 16000 personas segon l’organizacion e que se poirà pas far escorcolh a tot lo mond que vendràn, e qu’alavetz, los critèris per causir quinas personas seràn contrarotladas pòdon portar tòrt als dreches umans.
Lo ponch de retrobament per la cantèra es lo 21 de junh a 20h00, carrièra La Faieta, davant la pòsta. Se demanda de portar de bandièras, de pancartas e d’estruments de musica. Podètz trobar l’eveniment sus Facebook.
La plaça del Capitòli de Tolosa vendrà una fortalesa ont i poiràn entrar sonque los qu’auràn reservada lor intrada sul sit web de la comuna e seràn anats, individualament e en persona, quèrre lor braçalet d’acreditacion al Zénith. A mai, las personas qu’accediràn a la plaça —un espaci public— poiràn èsser somesas a d’escorcolhs, pas sonque de lors afars personals mas tanben corporals.
Aquò a menat lo movement Nuèch de Pè de Tolosa a organizar una protèsta en encoratjant las gents a reservar d’intradas, a anar quèrre lo braçalet e a entrar pas sus la plaça, en tot protestar a l’exterior del perimètre. Dins aquela dralha, lo movement occitanista a convocat una cantèra de protèsta per reclamar una fèsta de la musica populara e enrasigada sul territòri.
Los organizaires de la cantèra de protèsta denóncian que l’estat d’urgéncia (adoptat pel biais de la lei 55-385/1955 del 3 d’abril, abans la quita constitucion de la cinquena republica francesa) permeta d’efectuar d’arrestacions e d’escorcolhs domiciliaris, de decretar de cobrifuòcs e de restrénher l’accès dels ciutadans a d’endreches quitament de faiçon arbitrària e sens que calga cap de justificacion. Remarcan tanben que la plaça del Capitòli es un luòc public que se barra per un eveniment pagat per totes los tolosans e critican la question dels escorcolhs. Argumentan que la capacitat de la plaça es de 16000 personas segon l’organizacion e que se poirà pas far escorcolh a tot lo mond que vendràn, e qu’alavetz, los critèris per causir quinas personas seràn contrarotladas pòdon portar tòrt als dreches umans.
Lo ponch de retrobament per la cantèra es lo 21 de junh a 20h00, carrièra La Faieta, davant la pòsta. Se demanda de portar de bandièras, de pancartas e d’estruments de musica. Podètz trobar l’eveniment sus Facebook.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò de se cagar a las cauças en enebissent d’acamps es pas çò mièlhs per contrar lo terrorisme. La vida contunha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari