Se presentèt lo 22 d’abril passat al CIRDÒC de Besièrs Lo son d’aquela votz,
un disc d’un quinzenat d’artistas portant sus l’òbra poetica de Leon Còrdas (1913-1987), lo poèta vinhairon de Menerbés que donèt a la nòstra cultura una creacion literària plan vasta dins son engatjament per la transmission de l’occitan coma lenga viva. Lo projècte, lançat pel Collectiu Còp Sec, met en valor l’òbra del poèta e las creacions musicalas que sos poèmas n’an fach l’objècte.
 
Quinze grops an participat a aquela òbra:
   
 
Lo Collectiu Còp-Sec nasquèt après qualques rescontres e escambis entre actors de la nòva creacion artistica en Occitània. S’agís d’una plataforma de reflexion e de projèctes, mas es tanben un esplech solidari e cooperatiu de promocion e de produccion. Amassa 5 estructuras associativas en Lengadòc. Lo collectiu Còp-Sec es conscient de l’importància del patrimòni e es per aquò que reprenon las tradicions culturalas lengadocianas per ne prepausar una expression novèla.
 
 
Una campanha de micromecenatge
 
Lo son d’aquela votz es estat possible gràcias a una campanha de micromecenatge sus Ulule, qu’amassèt una partida de l’argent. L’autra es venguda d’una subvencion del conselh regional de Lengadòc-Rosselhon e dels fonzes de la pròpria associacion. Amb tot aquò, lo Collectiu Còp Sec a garentit una produccion dins de condicions professionalas de qualitat.