Actualitats
Los papièrs de Panamà son dobèrts al public
Una partida importanta d’aqueles documents se pòt ja consultar sul sit web de l’ICIJ
Los milions de documents dels nomenats “papièrs de Panamà”, divulgats pel Consòrci Internacional dels Jornalistas d’Investigacion (ICIJ) lo 3 d’abril e qu'an revelat de nombrosas operacions d’evasion fiscala e blanquiment d’argent, son, dempuèi dimenge passat, parcialament a disposicion del public.
Son pas totes los documents ni se revelarà de donadas personalas “massissament”, segon l’ICIJ, s'agís puslèu d’informacions “seleccionadas e limitadas” publicadas “per interès public”. Concretament, la banca de donadas compren d’informacions sus mai de dos cents mila societats e fondacions amb lor sèti dins un vintenat de paradises fiscals, d’Hong Kong a Nevada (Estats Units).
Dempuèi lo començament d’abril, l’ICIJ a coordonat la difusion limitada dels nomenats “papièrs de Panamà” mejançant un centenat de mèdias internacionals. Al total, son gaireben 11,5 milions de documents destapats pel burèu d’avocats panamenc Mossack Fonseca, que revèlan l’usatge a granda escala de societats “offshore” per amagar d’actius als ministèris de las finanças, e qu'an ja implicat la demission del primièr ministre d’Islàndia e del ministre de l’indústria en foncions espanhòl, e tanben la dobertura de nombrosas enquèstas fiscalas.
Per l’ICIJ, la difusion publica d’aquela documentacion es una nòva estapa de son investigacion, fruch d’un an de trabalh. Lo consòrci jornalistic afirma tanben que, las setmanas e los meses que venon, se contunharà de revelar de cases, a travèrs dels mèdias collaboradors.
Son pas totes los documents ni se revelarà de donadas personalas “massissament”, segon l’ICIJ, s'agís puslèu d’informacions “seleccionadas e limitadas” publicadas “per interès public”. Concretament, la banca de donadas compren d’informacions sus mai de dos cents mila societats e fondacions amb lor sèti dins un vintenat de paradises fiscals, d’Hong Kong a Nevada (Estats Units).
Dempuèi lo començament d’abril, l’ICIJ a coordonat la difusion limitada dels nomenats “papièrs de Panamà” mejançant un centenat de mèdias internacionals. Al total, son gaireben 11,5 milions de documents destapats pel burèu d’avocats panamenc Mossack Fonseca, que revèlan l’usatge a granda escala de societats “offshore” per amagar d’actius als ministèris de las finanças, e qu'an ja implicat la demission del primièr ministre d’Islàndia e del ministre de l’indústria en foncions espanhòl, e tanben la dobertura de nombrosas enquèstas fiscalas.
Per l’ICIJ, la difusion publica d’aquela documentacion es una nòva estapa de son investigacion, fruch d’un an de trabalh. Lo consòrci jornalistic afirma tanben que, las setmanas e los meses que venon, se contunharà de revelar de cases, a travèrs dels mèdias collaboradors.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Han dit que tamben Felip Gonzales figura entre los defraudadors a l'estat espanyol. Qui mal comença mal acaba.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari