Actualitats
Campanha per salvar l’ensenhament de l’occitan en Provença
Los corses d’occitan seràn suprimits dins los licèus e collègis de Manòsca, Aurenja e Chastèu Arnós. Iniciativa per Occitània a lançat una campanha de protèsta
Los corses d’occitan-provençal seràn suprimits dins los licèus e collègis de Manòsca, Aurenja e Chastèu Arnós, en Provença, a partir de la rintrada de 2016. Per protestar e per exigir que se mantenga e de desvolope aquel ensenhament, Iniciativa per Occitània a lançat una campanha.
D’un costat, una peticion en linha foguèt lançada dimars passat, en atenhent sul pic mai de 100 signaturas. De l’autre, an escrich de letras a mai de 130 elegits, dont tres, ara per ara, an mandat de responsas de sosten al mantenement de l’ensenhament de la nòstra lenga.
Lo 31 de mai que ven, de matin, es prevista una accion de protèsta davant lo Licèu Fèlix Esclangon de Manòsca.
Peticion en linha: “Sauvem l'ensenhament dau provençau!”
Letras de sosten dels cònsols de Pèiraverd, Sisteron e Sumiana la Rotonda
“L’ensenhament de l’occitan-provençau representa fòrça mai qu’una simpla «opcion». Se tracta de sauvar nòstra lenga menaçada que fa partida dau patrimòni de l’umanitat e que jòga un ròtle essenciau dins nòstra cultura.
Una lenga despareis cada quinze jorns dins lo Mond. 25 lengas despareisson cada an. Çò que se passa ara a Manòsca, Aurenja e Chastèu-Arnós ajudarà a tuar una lenga de mai: l’occitan”.
Una lenga despareis cada quinze jorns dins lo Mond. 25 lengas despareisson cada an. Çò que se passa ara a Manòsca, Aurenja e Chastèu-Arnós ajudarà a tuar una lenga de mai: l’occitan”.
D’un costat, una peticion en linha foguèt lançada dimars passat, en atenhent sul pic mai de 100 signaturas. De l’autre, an escrich de letras a mai de 130 elegits, dont tres, ara per ara, an mandat de responsas de sosten al mantenement de l’ensenhament de la nòstra lenga.
Lo 31 de mai que ven, de matin, es prevista una accion de protèsta davant lo Licèu Fèlix Esclangon de Manòsca.
Peticion en linha: “Sauvem l'ensenhament dau provençau!”
Letras de sosten dels cònsols de Pèiraverd, Sisteron e Sumiana la Rotonda
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
signada
Adishatz
Los Provençaus solidarizats dab los Bearnés SIGNEM la peticion per l'occitan au Collègi St Maur de Pau : http://www.mesopinions.com/petition/politique/maintien-enseignement-occitan-college-saint-maur/18790
#2 Segon çò que sabi, se fan puslèu en grafia classica, de còps e ocasionalament i a tanben una presentacion de la grafia mistralenca, mai es una question fòrça segondària. Cau defendre totei lei cors d'occitan, quina que siá la grafia.
L'article ditz pas dins quina grafia se fa l'ensenhament dins aqueles establiments, amai s'aquò leva pas res a la gravitat de l'afar.
Ai signat!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari