Actualitats
La polícia frontalièra turca bat e assassina de refugiats sirians, segon Human Rights Watch
Entre març e abril passat, de policièrs turcs an assassinat cinc refugiats —dont un enfant de tres ans— e an ferit almens catòrze personas
Human Rights Watch (HRW) denóncia que la polícia turca emplega de còps de fuòc, de còps de baston e de rascladas per evitar l’intrada de refugiats sirians dins lo país. L’organizacion umanitària a documentat entre març e abril d’ongan cinc cases de refugiats assassinats —dont un enfant de tres ans— e catòrze cases de personas feridas.
Los vidèos qu’HRW a obtenguts mòstran de còrses de personas assassinadas per lo fuòc de las balas quand ensajavan de traversar la frontièra. Los imatges mòstran tanben de refugiats plens de feridas après èsser batuts mentre qu’èran detenguts per la polícia. Segon Gerry Simpson, cercaire d’HRW: “Mentre que de nauts responsables turcs afirman que donan la benvenguda als refugiats sus las frontièras amb los braces dobèrts, lors polícias frontalièras los tuan e los baton”.
Turquia es pas mai lo país d’aculhença qu’èra pendent lo començament de la guèrra siriana en 2011. Dempuèi agost passat, la polícia realiza d’expulsions immediatas de refugiats e en los abandonant, fòrça còps, dins de territòris ont i a de combats. En mai d’aquò, lo govèrn de Recep Tayyip Erdoğan a accelerat la construccion d’un mur frontalièr dempuèi la signatura de l’acòrdi amb l’Union Europèa. Un acòrdi que definís ironicament Turquia coma un país segur pels refugiats.
Los vidèos qu’HRW a obtenguts mòstran de còrses de personas assassinadas per lo fuòc de las balas quand ensajavan de traversar la frontièra. Los imatges mòstran tanben de refugiats plens de feridas après èsser batuts mentre qu’èran detenguts per la polícia. Segon Gerry Simpson, cercaire d’HRW: “Mentre que de nauts responsables turcs afirman que donan la benvenguda als refugiats sus las frontièras amb los braces dobèrts, lors polícias frontalièras los tuan e los baton”.
Turquia es pas mai lo país d’aculhença qu’èra pendent lo començament de la guèrra siriana en 2011. Dempuèi agost passat, la polícia realiza d’expulsions immediatas de refugiats e en los abandonant, fòrça còps, dins de territòris ont i a de combats. En mai d’aquò, lo govèrn de Recep Tayyip Erdoğan a accelerat la construccion d’un mur frontalièr dempuèi la signatura de l’acòrdi amb l’Union Europèa. Un acòrdi que definís ironicament Turquia coma un país segur pels refugiats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'UE donet diners perquè Turquia ajudi a los refugiats. Aquí havets la respunsa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari