Actualitats
Lo Senat escarta Dilma Rousseff de la presidéncia de Brasil
La majoritat dels senadors sostenon la dobertura d'un jutjament politic contra la presidenta
Lo Senat de Brasil aprovèt ièr, après una jornada maratoniana de votacions, la destitucion de la presidenta de Brasil Dilma Rousseff. Aquesta deu abandonar son pòst pendent 180 jorns, a la sortida dels quals se sauprà s’es definitivament destituida. Es aital que se dobrís la procedura de jutjament politic de Rousseff, conegut coma “impeachment”. Cinquanta-cinc senators, sus ochanta un, votèron en favor de fòrabandir la presidenta, çò que met fin a 13 ans de govèrn ininterromput del Partit dels Trabalhadors.
Après cinc ans al govèrn, Rousseff se tròba ara forçada de quitar la carga a las mans del sieu vicepresident, Michel Temer (Movement Democratic Brasilian), per l’acusacion d’aver manipulat de resultats comptables de l’executiu e d’aver concedit de crèdits extraordinaris sens aver demandat l’autorizacion al Congrès; de practicas que viòlan la lei de responsabilitat fiscala. Rousseff acusèt Temer de manobrar per la fòrabandir de la presidéncia. Dins tot aquel jòc de cadièras, los darrièrs sondatges revèlan que lo 70% dels brasilians vòlon de nòvas eleccions.
Pendent los sièis meses que venon, Rousseff deurà preparar sa defensa per evitar d'èsser destituida definitivament. Es previst que la session del jutjament politic dins lo senat se farà lo mes de setembre.
Lo procès contra la presidenta es estat impulsat sustot pel president del Parlament, Eduardo Cunha, del Partit del Movement Democratic Brasilian, qu’èra, fins a fa gaire, aliat del Partit dels Trabalhadors de Dilma Rousseff. Cunha es en cors de jutjament e es un dels politicians citats dins las denonciacions per l’escàndol de Petrobras.
Rousseff venguèt presidenta de Brasil en 2011 amb lo sosten de son predecessor Luiz Inácio Lula da Silva. Al començament del mandat, la presidenta aguèt una popularitat fòrça nauta. Pasmens, aquela popularitat davalèt en seguida de l’estancament de l’economia e d'una sèria d’afars de corrupcion qu'an afectat son administracion.
“Jamai non auriái imaginat que caldriá tornar luchar contra un còp d’estat”
De son costat, Dilma Rousseff denoncièt un còp d’estat e demandèt la mobilizacion del pòble. Dins una compareissença, acompanhada de sos ministres e collaboradors, dont Lula da Silva, l’èx-guerrilhièra parlèt ansin: “Als brasilians que refusatz lo còp d’estat, de quin partit que siatz, vos demandi: mantenètz-vos mobilizats, amassats e dins la patz. La lucha per la democracia a pas data finala”. Çò diguèt en precisant: “Jamai non auriái imaginat que caldriá tornar luchar contra un còp d’estat.”
Dins son discors, Rousseff assegurèt que la decision del Senat de Brasil èra un “còp d’estat” que “menaça la sobeiranetat dels electors”. Ela, que foguèt empresonada e torturada pendent la dictatura militara, assegurèt que “ganharà la lucha contra lo còp d'estat” e cridèt a defendre “la democracia”. “Los que perdèron las eleccions ensajan ara per la fòrça d’arribar al poder”, çò afirmèt.
Après cinc ans al govèrn, Rousseff se tròba ara forçada de quitar la carga a las mans del sieu vicepresident, Michel Temer (Movement Democratic Brasilian), per l’acusacion d’aver manipulat de resultats comptables de l’executiu e d’aver concedit de crèdits extraordinaris sens aver demandat l’autorizacion al Congrès; de practicas que viòlan la lei de responsabilitat fiscala. Rousseff acusèt Temer de manobrar per la fòrabandir de la presidéncia. Dins tot aquel jòc de cadièras, los darrièrs sondatges revèlan que lo 70% dels brasilians vòlon de nòvas eleccions.
Pendent los sièis meses que venon, Rousseff deurà preparar sa defensa per evitar d'èsser destituida definitivament. Es previst que la session del jutjament politic dins lo senat se farà lo mes de setembre.
Lo procès contra la presidenta es estat impulsat sustot pel president del Parlament, Eduardo Cunha, del Partit del Movement Democratic Brasilian, qu’èra, fins a fa gaire, aliat del Partit dels Trabalhadors de Dilma Rousseff. Cunha es en cors de jutjament e es un dels politicians citats dins las denonciacions per l’escàndol de Petrobras.
Rousseff venguèt presidenta de Brasil en 2011 amb lo sosten de son predecessor Luiz Inácio Lula da Silva. Al començament del mandat, la presidenta aguèt una popularitat fòrça nauta. Pasmens, aquela popularitat davalèt en seguida de l’estancament de l’economia e d'una sèria d’afars de corrupcion qu'an afectat son administracion.
“Jamai non auriái imaginat que caldriá tornar luchar contra un còp d’estat”
De son costat, Dilma Rousseff denoncièt un còp d’estat e demandèt la mobilizacion del pòble. Dins una compareissença, acompanhada de sos ministres e collaboradors, dont Lula da Silva, l’èx-guerrilhièra parlèt ansin: “Als brasilians que refusatz lo còp d’estat, de quin partit que siatz, vos demandi: mantenètz-vos mobilizats, amassats e dins la patz. La lucha per la democracia a pas data finala”. Çò diguèt en precisant: “Jamai non auriái imaginat que caldriá tornar luchar contra un còp d’estat.”
Dins son discors, Rousseff assegurèt que la decision del Senat de Brasil èra un “còp d’estat” que “menaça la sobeiranetat dels electors”. Ela, que foguèt empresonada e torturada pendent la dictatura militara, assegurèt que “ganharà la lucha contra lo còp d'estat” e cridèt a defendre “la democracia”. “Los que perdèron las eleccions ensajan ara per la fòrça d’arribar al poder”, çò afirmèt.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
petita correccio Eduardo Cunha nomes va posar el projecte en votacio en seua condicio de president de la cambra no es pas l'autor ni impulsor d'aquest.
#1 Dilma va mentir i mes d'un cop no te cap compromis amb els pores sino nomes amb l'agenda bruta de son partit que vol mantenir-se per sempre al poder i amb les constructores corruptes que financiem llura campanya amb diner negre.aço de ''mentir per ajudar els pobres'' es cosa de les dictadures i l'autoritarisme en la democracia cal seguir les regles.
Dilma lo que faguet foguet dire que havia diners per poder far ajuda sociala,la qual causa es pas un delicte e pot ser una valoracion optimista dels comptes,e pas una causa greva per la que haja de dimitir
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari