En Bretanha es estat inventat un genre literari: lo “polar regional”. Lo champion d’aqueste genre es, sens contèsta, Jean Failler. Chasque an, se crompa a milèirs sas aventuras de l’inspectritz kemperesa Mary Lester (un libre novèl es publicat chasque an). Mas, dempuei quauques annadas se vei l’emergéncia d’un novèl genre: lo “polar independentista breton” amb l’ostal d’edicion Yoran Embanner de Fouen (Fouesnant). Dos escrivans supèran tots: Hervé Le Bévillon (Du sang sur les bonnets rouges, Le traité meurtrier) e David Le Yaouang (Les damnés de Ceallach, Opération 946). Lo novèl roman Emgann-Vents d’ouest de Le Yaouang es la seguida d’Opération 946. E aqueste còp encara an tornat trobar l’èx-legionari irlandés Paul Rogan. Aprèp aver desquilhat la mitat del “36 quai des Orfèvres” es arribat en Argentina ont ten una aubèrja amb un amic. Pechaire, l’estat francés l’a pas desmembrat. Chal gratar chamin sus lo pic amb la filha que l’aviá ajudat ja en París e Bretanha. Mas la gojata a una novèla mission per lo... en Bretanha justament: ajudar los independentistas bretons que vòlon tochar un gran còp.
 
David Le Yaouang es fòrça dotat... e cresable quora parla de Bretanha e d’armas de fuòc per exemple. Escriu fòrça ben tanben, a pas de rogir de vergonha a respècte d’autres escrivans de romans negres (Vargas, Chattam…) e, politicament, es mai interessant. Fòrça mai...
 
Mas que d’autres seguischan lo mesme chamin!
 
 
 
 
Fabien Lecuyer
 
 
 
 

---

LE YAOUANG, David, 2016, Emgann-Vents d’Ouest, Yoran Embanner, 192 paginas, 10 èuros.