Actualitats
La FIFA admet Kosova e Gibartar coma membres nòus
La federacion de Jersey cercarà l’adesion a l’UÈFA
Lo 66n Congrès de la FIFA admetèt lo 13 de mai las federacions de Gibartar e Kosova coma membres nòus del pus grand organisme fotbolistic mondial. Aquò, malgrat l’oposicion d’Espanha a respècte de Gibartar e de Serbia a respècte de Kosova.
Lo Congrès seguiguèt la recomandacion anteriora del Conselh de la FIFA, qu’aviá conselhat l’admission dels dos païses. Kosova recebèt 141 vòtes favorables e 23 contraris. E Gibartar aguèt lo sosten de 172 federacions e lo refús de 12.
Amb aquela decision, las esquipas de Kosova e Gibartar poiràn participar als torneges classificatòris per lo mondial de fotbòl de 2018, que se celebrarà en Russia.
Ambedoas federacions èran ja estadas admesas abans pel pus naut organisme del fotbòl europèu, l’UÈFA.
La federacion de Jersey, una de las Illes Normandas, a exprimit son intencion de demandar a l’UÈFA l’adesion e d’èsser reconeguda oficialament, coma Gibartar. Las Illas Normandas dependon de Londres mas fan pas partida del Reialme Unit.
Aqueste article es adaptat de Nationalia amb qui Jornalet a un acòrdi de collaboracion.
Lo Congrès seguiguèt la recomandacion anteriora del Conselh de la FIFA, qu’aviá conselhat l’admission dels dos païses. Kosova recebèt 141 vòtes favorables e 23 contraris. E Gibartar aguèt lo sosten de 172 federacions e lo refús de 12.
Amb aquela decision, las esquipas de Kosova e Gibartar poiràn participar als torneges classificatòris per lo mondial de fotbòl de 2018, que se celebrarà en Russia.
Ambedoas federacions èran ja estadas admesas abans pel pus naut organisme del fotbòl europèu, l’UÈFA.
La federacion de Jersey, una de las Illes Normandas, a exprimit son intencion de demandar a l’UÈFA l’adesion e d’èsser reconeguda oficialament, coma Gibartar. Las Illas Normandas dependon de Londres mas fan pas partida del Reialme Unit.
Aqueste article es adaptat de Nationalia amb qui Jornalet a un acòrdi de collaboracion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Gibraltar pot haver un bon equip.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari