Actualitats
Lo papa Francés a criticat que França “exagèra la laïcitat”
Dins una entrevista donada a La Croix, lo pontife demanda de tolerància per las divèrsas cresenças religiosas
Lo papa Francés a criticat que l’estat francés “exagèra la laïcitat”. Dins una entrevista donada al quotidian catolic La Croix lo 16 de mai passat, Francés ditz que “França deuriá far un pas endavant sus aquel subjècte per acceptar que la dobertura a la transcendéncia siá un drech per totes”.
Dins aquel sens, Francés demanda de tolerància per las divèrsas cresenças religiosas. “S’una femna musulmana vòl portar lo vel, o deu poder far. Del meteis biais, s’un catolic vòl portar una crotz, o deu poder far”, çò precisa lo pontife. De fach, lo papa pensa “que la coexisténcia entre crestians e musulmans es possibla. Veni d’un país ont eles convivon en bona familiaritat”.
Segon lo papa, la cultura europèa es bastida sus la diversitat. El reconeis que “las racinas d’Euròpa” son “al plural”, e quand ausís parlar “de racinas crestianas d’Euròpa”, lo pontife i vei un vejaire “reduccionista, trionfalista o venjatiu”.
A respècte de la crisi dels refugiats e de las migracions, lo papa es conscient que se pòt pas “dobrir las pòrtas de faiçon irracionala”, mas pensa que cal èsser “just e responsable”.
La laïcitat, una religion d’estat
La laïcitat francesa se basa sus la lei de 1905 qu’establís una estricta separacion entre, d’un caire, l’estat e, de l’autre, las glèisas e comunautats religiosas. Dins aquel encastre, l’estat arriba al paroxisme de presicar la laïcitat de la societat e confina totas las manfiestacions de tipe religiós a l’estricte terren privat. Fòrça manifestacions xenofòbas se son apiejadas sus d’interpretacions radicalas d’aquela laïcitat, qu’es una excepcion francesa de mai entre tant d’autras.
Vesita a Lorda e Marselha
Dins aquela entrevista lo papa tanben a anonciat sa vesita a l’estat francés en 2017, just après l’eleccion presidenciala. Dins aquel viatge vesitarà d’endreches emblematics d’Occitània coma Lorda e Marselha, “que representa una pòrta dobèrta sul Mond”.
Sosten a Barbarin
Tanben a manifestat son sosten al cardinal Barbarin: aqueste darrièr es enquestat dins un escàndol per s’èsser calat supausadament sus de cases de pedofilia. Lo pontife crei que la demission del cardinal abans la conclusion del procès en justícia “seriá un contrasens e una imprudéncia”. “Seriá se dire colpable”, çò apondèt.
Dins aquel sens, Francés demanda de tolerància per las divèrsas cresenças religiosas. “S’una femna musulmana vòl portar lo vel, o deu poder far. Del meteis biais, s’un catolic vòl portar una crotz, o deu poder far”, çò precisa lo pontife. De fach, lo papa pensa “que la coexisténcia entre crestians e musulmans es possibla. Veni d’un país ont eles convivon en bona familiaritat”.
Segon lo papa, la cultura europèa es bastida sus la diversitat. El reconeis que “las racinas d’Euròpa” son “al plural”, e quand ausís parlar “de racinas crestianas d’Euròpa”, lo pontife i vei un vejaire “reduccionista, trionfalista o venjatiu”.
A respècte de la crisi dels refugiats e de las migracions, lo papa es conscient que se pòt pas “dobrir las pòrtas de faiçon irracionala”, mas pensa que cal èsser “just e responsable”.
La laïcitat, una religion d’estat
La laïcitat francesa se basa sus la lei de 1905 qu’establís una estricta separacion entre, d’un caire, l’estat e, de l’autre, las glèisas e comunautats religiosas. Dins aquel encastre, l’estat arriba al paroxisme de presicar la laïcitat de la societat e confina totas las manfiestacions de tipe religiós a l’estricte terren privat. Fòrça manifestacions xenofòbas se son apiejadas sus d’interpretacions radicalas d’aquela laïcitat, qu’es una excepcion francesa de mai entre tant d’autras.
Vesita a Lorda e Marselha
Dins aquela entrevista lo papa tanben a anonciat sa vesita a l’estat francés en 2017, just après l’eleccion presidenciala. Dins aquel viatge vesitarà d’endreches emblematics d’Occitània coma Lorda e Marselha, “que representa una pòrta dobèrta sul Mond”.
Sosten a Barbarin
Tanben a manifestat son sosten al cardinal Barbarin: aqueste darrièr es enquestat dins un escàndol per s’èsser calat supausadament sus de cases de pedofilia. Lo pontife crei que la demission del cardinal abans la conclusion del procès en justícia “seriá un contrasens e una imprudéncia”. “Seriá se dire colpable”, çò apondèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#12
La vòstra actitud s'apèla escampar lo mainat amb l'aiga del banh.
La religion es un afar privat e o deu demorar per quina espiritualitat que siaga.
Las lengas autras que lo francés son pas un afar privat o ligat a una espiritualitat o una autra.
Se sèm privats de nòstras lengas es per que las fòrças politicas dels pòbles que las parlan an pas poscut dinc adara impausar una volontat populara de las (far) respiechar.
Sabi pas tròp s'es lo moment en França d'èsser mens laïcs qu'un còp èra.
#8 Puslèu que de me far de procèsses d'intencions, fariatz plan de comprene que França practica pas la laïcitat, mas lo laïcisme, al nom del qual maltracta nòstras lengas.
La nocion d'"espaci public" devolopada a prepaus del vel es significativa. Lo laïcisme pensa e ditz: lo dit espaci public seriá o deuriá èsser interdit tant a las femnas veladas coma als locutors d'autras lengas que lo francés.
Soi d'acòrdi dab lo Papa, lo sant Paire a milanta còps rason.
Òsca Pirolet per aqueste recadratge
Ajusti que dins una granda part d'Occitània ne coneissi mai que d'un que l'après dinnar estima mai anar veire un rescontre de Rugbi de XV o de XIII que de se far cagar amb la messa lo dimenge matin a l'ostal.
Visca los temples populars de la palma ovala e la convivialitat que i es viscuda !
#9 Infòrma-te primièr.
Lo dimenge matin sus France 2 es una letania de moninariás, una religion darrièr l’autra: josius, musulmans, protestants e catolics. Manca pas que los ortodòxes. E los atèus que l’ateïsme barrat tanben es una cresença. E coneissi mai d'un "velhet" que s'estima mai veire "Inspector Barnaby" l'après-dinnar puslèu que de se fa cagar amb la messa lo matin a l'ostal.
Visca lo cafè de la plaça en fàcia de la glèisa!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari