Tolosa: jornada d’informacion sus las lengas minorizadas e lors luchas
La jornada vòl analisar la situacion d’aquelas lengas de 1539 fins a uèi, amb lors luchas actualas
Dissabte que ven se farà a Tolosa una jornada d’informacion sus “las lengas minoritàrias e las luchas que las environan”. Aquela “jornada d’informacion” se compausarà d’una projeccion de divèrses cortmetratges presentant plusors facietas de las luchas qu’environan las lengas minorizadas; seguiràn una discussion liura e un concèrt amb de grops de musica en occitan, basco e breton. L’organizacion tanben avertís que se tolerarà pas cap d’analisi xenofòba e que se permetrà pas nimai als ultradrechistas de s’i immiscir.
La jornada vòl analisar la situacion lingüistica de l’estat francés, que dempuèi l’establiment del francés coma sola lenga oficiala en 1539, las autras lengas nacionalas resistisson e contunhan d’existir sens cap de reconeissença juridica. Se vòl analisar los movements del començament dels ans 1970 amb las escòlas Calandreta, Diwan o Ikastola, e las luchas actualas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
faussa informacion, Varlin canta pas en basco sinon en frances. valen lo pet, pasmens, quand son en fòrma son un vertadèir buldòser.
A, que comença lo moment de l'annada on i a tròp de causas plan per anar a tot.
Au Fossat que i a tanben la dalhada dab projeccions en occitan http://festileze-ariege.fr/dalhada/
e a Sent Lisièr (09) que i a Murièl Batbie qui canta a l'abadia dens l'encastre d'ua visita tematica.
Que vau miélher tròp que pas pro...
Brave monde.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari