La societat d’esplecha dels pòrts de Mónegue e lo grop italian Cozzi Parodi an pachat un acòrdi sus las modalitats de cession del pòrt de Ventemilha (Ligúria). Amb aquel acòrdi, que sas negociacions comencèron en 2008, la societat monegasca construirà un pòrt dins la vila ligura, al pè del Fòrt de l’Anonciada. Es una òbra que l’avián abandonada après que la societat Cala del Forte faguèsse quincanèla.
 
Es aital que Mónegue aurà un pòrt de qualques 170 plaças a Ventemilha, çò que permetrà de desengorjar los pòrts del principat. Lo sit nòu se tròba a 20 minutas de navigacion o a 25 minutas de veitura del pòrt monegasc.
 
Lo projècte l’estiman a 80 milions d’èuros e a dos ans de trabalhs.
 
Lo primièr cònsol de Ventemilha, Enrico Ioculano, i vei “de retombadas economicas evidentas” per sa comuna.
 
Mai d’informacions sus Nice Matin.