Actualitats
I aurà una nòva convencion per l’ensenhament public de l’occitan dins la region centrala
La FÈLCO vesitèt la presidenta de la region LRMP Carole Delga e obtenguèt d’engatjaments “sus una reala politica lingüistica”
La presidenta de la region Lengadòc-Rosselhon Miègjorn-Pirenèus, Carole Delga, vòl una convencion comuna a las doas acadèmias de Tolosa e de Montpelhièr per l’ensenhament de l’occitan, çò rapòrta La Setmana. Una delegacion de la FÈLCO vesitèt la presidenta lo 16 de mai passat e li presentèron un dorsièr fòrça complet pertocant la situacion de l’ensenhament de l’occitan a las escòlas publicas geridas per las acadèmias de Tolosa e de Montpelhièr.
La federacion d’ensenhaires d’occitan parla d’una “disparitat entre Tolosa e Montpelhièr", e tanben d’una disparitat entre “occitan e lengas regionalas vesinas”, en fasent referéncia al catalan. La FÈLCO “desira que las disposicions necessàrias, dont certanas existisson ja, sián confortadas e alargadas a l’ensemble de la nòva region, especialament las borsas d’estudis, las campanhas publicas d’informacion, lo sosten als projèctes d’acompanhament dels ensenhaires, l’ajuda a la formacion dels ensenhaires e a la creacion culturala, la preséncia publica de la lenga...”
Carole Delga anoncièt son intencion de tornar negociar una convencion amb lo rectorat que siá comuna a las doas acadèmias. Segon lo compte rendut de la FÈLCO, la president a exprimit “una ambicion de desvolopament de l’ensenhament de la lenga”. Pereu segon lo rapòrt de la FÈLCO, “un cèrt nombre de disposicions vendràn al sosten d’aquel plan de desvolopament fondat sus una reala politica lingüistica”
En mai d’aquò, la delegacion de la FÈLCO considèra que l’Ofici Public de la Lenga Occitana (ÒPLO) serà “un operator important d’aquel desvolopament” e desira que l’estat li porgisca “de mejans almens comparables a los que dona als autres oficis publics de lenga regionala”.
Mai d’informacions sus La Setmana e sul sit de la FÈLCO.
La federacion d’ensenhaires d’occitan parla d’una “disparitat entre Tolosa e Montpelhièr", e tanben d’una disparitat entre “occitan e lengas regionalas vesinas”, en fasent referéncia al catalan. La FÈLCO “desira que las disposicions necessàrias, dont certanas existisson ja, sián confortadas e alargadas a l’ensemble de la nòva region, especialament las borsas d’estudis, las campanhas publicas d’informacion, lo sosten als projèctes d’acompanhament dels ensenhaires, l’ajuda a la formacion dels ensenhaires e a la creacion culturala, la preséncia publica de la lenga...”
Carole Delga anoncièt son intencion de tornar negociar una convencion amb lo rectorat que siá comuna a las doas acadèmias. Segon lo compte rendut de la FÈLCO, la president a exprimit “una ambicion de desvolopament de l’ensenhament de la lenga”. Pereu segon lo rapòrt de la FÈLCO, “un cèrt nombre de disposicions vendràn al sosten d’aquel plan de desvolopament fondat sus una reala politica lingüistica”
En mai d’aquò, la delegacion de la FÈLCO considèra que l’Ofici Public de la Lenga Occitana (ÒPLO) serà “un operator important d’aquel desvolopament” e desira que l’estat li porgisca “de mejans almens comparables a los que dona als autres oficis publics de lenga regionala”.
Mai d’informacions sus La Setmana e sul sit de la FÈLCO.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3
Te'n fagas pas, Gèli, las Calandretas se fan pas oblidar coma aquò e sabon plan defendre sa causa, çò qu'es normal, non ?
c'est une bonne nouvelle! (désolé je lis l'occitan mais je ne sais pas l'écrire)
#5 Me sio acontentat de far una constatacion aisidament verifiabla. Avètz la prova dau contrari ?
#4 Gara lo castigagilós!
#3 Vist lo nivèu de las subvencions que las calandretas recebon de las collectivitats territorialas, es pas elas que riscan d'estre eissubliaas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari