Actualitats
“L’embriaguesa de la nèu après una guèrra crusèla”
La traduccion catalana del roman de Sèrgi Javaloyès, L’òra de partir, a agut una bona aculhença
Lo roman de Sèrgi Javaloyès, L’òra de partir, es una òbra clarament autobiografica. L’istòria evòca la vida d’un enfant de dotze ans que, durant la guèrra d’independéncia d’Argeria, es repatriat d’Oran en Gasconha e aculhit ailà per de parents luenchencs dins un vilatge dels Pirenèus. Lo roman mòstra las terrors inconfessablas d’un enfant panicat que contempla lo mond dels adultes. Dins l’encastre de la violéncia extrèma dels atemptats dels paramilitars franceses de l’OAS o dels independentistas de l’ALN, lo jove protagonista descobrís sa sexualitat e son enveja de revòlta davant una escòla repressiva. Tot se passa al sen de las doas famihas, la d’origina en Argeria e la d’aculhença en Occitània.
L’autor, Sèrgi Javaloyès, nasquèt dins lo quartièr espanhòl d’Oran e sa familha s’installèt a Nai (Bearn) ont intrèt en contacte amb la lenga occitana, que ne venguèt puèi activista e escrivan. Es tanben autor de divèrsas òbras en francés.
Traduch en catalan
Arunan, l’ostal d’edicion Pagès Editors ne publicava una traduccion en catalan facha per Jordi Suïls, professor d’occitan a l’Universitat de Lhèida. L’òbra a recebut un aculhiment extraordinari amb d’elògis nombroses. “Es un abil e amolat present descriptiu, net, trionfalament poetic”, çò ditz Lorenzo Plana a prepaus d’aquel libre, dins un article entitolat “L’embriaguesa de la nèu après una guèrra crusèla”.
JAVALOYÈS, Sèrgi, 1997, L’òra de partir, Reclams, 210 paginas, 18,30 èuros.
JAVALOYÈS, Sèrgi, 2015, L’hora de marxar, Pagès Editors, 190 paginas, 17 èuros.
L’autor, Sèrgi Javaloyès, nasquèt dins lo quartièr espanhòl d’Oran e sa familha s’installèt a Nai (Bearn) ont intrèt en contacte amb la lenga occitana, que ne venguèt puèi activista e escrivan. Es tanben autor de divèrsas òbras en francés.
Traduch en catalan
Arunan, l’ostal d’edicion Pagès Editors ne publicava una traduccion en catalan facha per Jordi Suïls, professor d’occitan a l’Universitat de Lhèida. L’òbra a recebut un aculhiment extraordinari amb d’elògis nombroses. “Es un abil e amolat present descriptiu, net, trionfalament poetic”, çò ditz Lorenzo Plana a prepaus d’aquel libre, dins un article entitolat “L’embriaguesa de la nèu après una guèrra crusèla”.
JAVALOYÈS, Sèrgi, 1997, L’òra de partir, Reclams, 210 paginas, 18,30 èuros.
JAVALOYÈS, Sèrgi, 2015, L’hora de marxar, Pagès Editors, 190 paginas, 17 èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 òbras mèstras: voliái dire caps d’obra mas veniái de legir l’article en catalan... Pim suls dets!
Avèm pas gaire d'òbras mèstras dins la nòstra literatura contemporanèa. Aquí ne tenèm una. Nos cal pas privar d’o senhalar!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari