Actualitats
Egipte a trobat las rèstas de l’avion d’Egyptair desaparegut
L’armada egipciana contunha de cercar las boitas negras de l’avion per esclarzir las causas de l’accident
Las còlas de salvament egipcianas trobèron ièr divendres las rèstas de l’avion d’Egyptair que desapareguèt dijòus dins la Mar Mediterranèa, segon çò qu’a raportat la television estatala egipciana. Demièg las rèstas, localizadas a 290 quilomètres al nòrd d’Alexàndria, i a d’objèctes personals dels passatgièrs. L’armada egipciana contunha de rastelar la zòna per trobar las boitas negras de l’avion.
Las autoritats egipcianas especulavan dijòus que la causa de la desaparicion poiriá èsser estat un atemptat terrorista. Pasmens, cap de grop terrorista a pas revendicat la desaparicion del vòl MS-804.
De son costat, la polícia francesa a mes en examen tot lo personal de l’Aeropòrt de París-Charles de Gaulle per ensajar d’esclarzir se i a qualque ligam entre sos salariats e l’accident aerian.
L’avion desapareguèt dijòus quand fasiá rota entre París e lo Caire. I aviá 56 passatgièrs e 10 membres de l’esquipatge a bòrd.
Las autoritats egipcianas especulavan dijòus que la causa de la desaparicion poiriá èsser estat un atemptat terrorista. Pasmens, cap de grop terrorista a pas revendicat la desaparicion del vòl MS-804.
De son costat, la polícia francesa a mes en examen tot lo personal de l’Aeropòrt de París-Charles de Gaulle per ensajar d’esclarzir se i a qualque ligam entre sos salariats e l’accident aerian.
L’avion desapareguèt dijòus quand fasiá rota entre París e lo Caire. I aviá 56 passatgièrs e 10 membres de l’esquipatge a bòrd.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mas encara han trobat la caissa negra. Se comencet per haver-hi foc al vate,e a l'instalacion electrica, açò sembla pas que sia una bomba. Cal esperar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari