Actualitats
Accident d’elicoptèr en Bigòrra: lo rotor de l’aparelh toquèt una paret de la montanha
L’elicoptèr que s’escrachèt divendres dins lo massís de Vinhamala, en provocant la mòrt de quatre gendarmas, faguèt una casuda de 600 mètres
Quatre gendarmas moriguèron divendres passat en Bigòrra a causa d’un accident d’elicoptèr. L’accident se passèt mentre que fasián un exercici d’entraïnament en altitud dins lo massís de Vinhamala, dins la comuna de Cautarés (Lavedan), e es un dels accidents d’elicoptèr mai murtrièrs qu’a viscut Occitània.
L’aparelh faguèt una casuda de 600 mètres, segon los primièrs elements de l’enquèsta, après qu’una pala toquèt la paret de la montanha, per una rason encara desconeguda. “Eth elicoptèr EC145 a cadut d’ua hautor de cap a 3100m dinc au torn de 2500m”, çò indiquèt lo procuraire de Tarba Eric Serfass, segon Sud Ouest. A l’ora d’ara sembla impossible de determinar quala es la causa de l’accident.
Ara l’enquèsta es a verificar los quasèrns de mantenença de l’elicoptèr e “plusors” testimònis son entenduts, segon lo procuraire.
Los gendarmas èran totes fòrça experimentats e portavan lo grade d’ajudant-cap, ajudant o capitani. L’elicoptèr èra anat recercar los militars sul glacièr d’Ossoa après un exercici d’entraïnament dins lo massís de Vinhamala. La mission aviá la tòca d’”esquipar e de completar de punts d’ancoratge hens era tòca de facilitar eths secors aths grimpaires en dificultat”, segon lo procuraire.
Lo ministre de l’interior francés, Bernard Cazeneuve, vesitèt l’endrech sul pic e lo president francés François Hollande, exprimiguèt publicament sa dolor pel “tragic accident”.
De son costat, lo sindic d’Aran Carlos Barrera manifestèt sas condolenças sus son compte de Facebook.
L’aparelh faguèt una casuda de 600 mètres, segon los primièrs elements de l’enquèsta, après qu’una pala toquèt la paret de la montanha, per una rason encara desconeguda. “Eth elicoptèr EC145 a cadut d’ua hautor de cap a 3100m dinc au torn de 2500m”, çò indiquèt lo procuraire de Tarba Eric Serfass, segon Sud Ouest. A l’ora d’ara sembla impossible de determinar quala es la causa de l’accident.
Ara l’enquèsta es a verificar los quasèrns de mantenença de l’elicoptèr e “plusors” testimònis son entenduts, segon lo procuraire.
Los gendarmas èran totes fòrça experimentats e portavan lo grade d’ajudant-cap, ajudant o capitani. L’elicoptèr èra anat recercar los militars sul glacièr d’Ossoa après un exercici d’entraïnament dins lo massís de Vinhamala. La mission aviá la tòca d’”esquipar e de completar de punts d’ancoratge hens era tòca de facilitar eths secors aths grimpaires en dificultat”, segon lo procuraire.
Lo ministre de l’interior francés, Bernard Cazeneuve, vesitèt l’endrech sul pic e lo president francés François Hollande, exprimiguèt publicament sa dolor pel “tragic accident”.
De son costat, lo sindic d’Aran Carlos Barrera manifestèt sas condolenças sus son compte de Facebook.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo reportatge televisat ditz "Le Vignemale, plus haut point des Pyérénées françaises". De Pirènèus, ieu, ne coneissi sonque quatre : la catalana, l'occitana, l'aragonesa e la basca. Ont an vist jamai ont que siá estat, de Pirenèus francesas ? Perqué pas d'Alps bascas o d'Andas catalanas, tant que i son ?
Es pas bona causida acostar-se als costers de las montanhes,s obretot se son tan altas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari