Actualitats
Madrid: un òme sens domicili fixe s’afronta a una manifestacion de neonazis
La marcha faissista contra los refugiats se debanèt dissabte passat a Madrid amb la permission de las autoritats e l’ajuda de la polícia
De crits contra los refugiats e contra Catalonha
La protèsta faissista en question se debanèt dissabte passat, 21 de mai, a Madrid, e foguèt autorizada per la delegada del govèrn, Concepción Dancausa, la meteissa qu’aviá prèviament enebit los drapèls independentistas catalans dins los estadis de fotbòl. La manifestacion èra estada convocada pel collectiu ultradrechista Hogar Social Madrid, e amassèt un milierat d’assistents que cridavan de consignas contra los refugiats e contra Catalonha.
La polícia talhèt la circulacion automobila per permetre l’avançada del cortègi, del temps que los manifestants fasián de saludacions faissistas. La marcha s'acabèt amb de provocacions e de rambalhs, e mai de menaças contra los jornalistas davant la passivitat policièra. La jornalista Laura Galaup raportèt al detalh sus Twitter la manifestacion, los rambalhs e las provocacions.
Un poton gai contra lo faissisme
En mai de l’òme sens domicili fixe que desfisèt los faissistas, un autre dels imatges qu’an corregut los rets socials es la fòto d’un parelh gai que se fasián un poton davant los manifestants. Pasmens, la polícia los arrestèt e separèt del cortègi faissista.
Q caras d retrasados tienen la chusma nazi dl hogar social d Madrid. Estos chicos se lo han pasado pipa a su costa pic.twitter.com/VOcLsSaT34
— Lunanegra (@lunanegra1976) 21 de maig de 2016
Q caras d retrasados tienen la chusma nazi dl hogar social d Madrid. Estos chicos se lo han pasado pipa a su costa pic.twitter.com/VOcLsSaT34
— Lunanegra (@lunanegra1976) 21 de maig de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ieu faguèri un error en mon comentari. Es "diguèt" e non "diguèri" (tresena persona de singular).
Un home s'enfronta a tota la colha d'extremistas. Un home basta per canviar las causas. Per far-los comprene que lo que fan es causa de retrassats mentals.
Me suspreni pas vèser aquesta manifestacion dins Madrid. La Dancausa diguèri que èra "democratic" la protèsta: "Marca España".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari