Actualitats
An escorcolhat lo sèti de Google a París
Un centenat d’agents dels inspectors fiscals e de la brigada de la delinquéncia financièra an cercat de pròvas d’un presumit frau fiscal
La polícia francesa faguèt dimars passat una perquisicion al sèti de Google, a París, per presumit frau fiscal, segon Le Parisien, que cita una font del Ministèri francés de las Finanças. Aquel jornal francés explica que la perquisicion comencèt a 5 oras del matin, que i intervenguèron un centenat d’agents dels inspectors fiscals e de la brigada de la delinquéncia financièra.
Es pas lo primèr còp que los burèus de Google a París son meses en examen. En 2011 Google deguèt esclarzir de viraments bancaris que teniá amb lo sèti de Dublin, ont lo gigant d’Internet a sa sedença fiscala. Segon l’AFP, lo gigant d’Internet deu mai d’1,6 miliards d’èuros al fisc francés.
Une perquisition a eu lieu chez Google dans le...por ITELE
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es curiós aquò! Escorcolhan Coogle, Mc Do...
Seriá temps de s’ocupar de barrar la pòrta al TAFTA.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari