Actualitats
L’aeropòrt de Bordèu aurà un nòu terminal
Dempuèi la creacion del terminal low cost “Billi” en 2010, cèssa pas de se desvolopar
L’aeropòrt de Bordèu va bastir un nòu terminal que se farà entre los halls A e B per melhorar la qualitat del servici e far fàcia a l’arribada del tren de granda velocitat.
Lo bastiment s’estendrà sus 5000 m2, çò es parièr qu'al terminal low cost “Billi”. Mas l’investiment serà fòrça mai important, çò rapòrta Sud Ouest, que desvela lo detalh del projècte.
Lo nòu terminal comprendrà una granda zòna comerciala. “Uei, quan òm passa las zònas de filtratge, i a pas hòrt d’espacis d’espèra e de destenta”, çò declara Pascal Personne, director de l’aeropòrt de Bordèu-Merinhac. “B’es un gròs projècte, çò precisa Personne, que donarà un bon senhau a las companhias aerianas“.
12 nòvas linhas l’estiu que ven
L’aeropòrt contunha d’alargar son ret e prepausa 12 nòvas linhas, dont 8 destinacions. Volotea lança de vòls vèrs Alacant, Faro e Split; EasyJet vèrs Berlin, Marselha, Barcelona e Venècia; ASL Airlines vèrs Amborg; Chalair Aviation vèrs Caen, Montpelhièr e Perpinhan.
L’aeropòrt de Bordèu es a l’ora d’ara lo cinquen de l’estat francés, mas lo primièr per sa creissença (7,6% en 2015). Dempuèi la creacion del terminal low cost “Billi” en 2010, cèssa pas de se desvolopar. L’an passat, son trafec despassèt los cinc milions de passatgièrs.
Lo bastiment s’estendrà sus 5000 m2, çò es parièr qu'al terminal low cost “Billi”. Mas l’investiment serà fòrça mai important, çò rapòrta Sud Ouest, que desvela lo detalh del projècte.
Lo nòu terminal comprendrà una granda zòna comerciala. “Uei, quan òm passa las zònas de filtratge, i a pas hòrt d’espacis d’espèra e de destenta”, çò declara Pascal Personne, director de l’aeropòrt de Bordèu-Merinhac. “B’es un gròs projècte, çò precisa Personne, que donarà un bon senhau a las companhias aerianas“.
12 nòvas linhas l’estiu que ven
L’aeropòrt contunha d’alargar son ret e prepausa 12 nòvas linhas, dont 8 destinacions. Volotea lança de vòls vèrs Alacant, Faro e Split; EasyJet vèrs Berlin, Marselha, Barcelona e Venècia; ASL Airlines vèrs Amborg; Chalair Aviation vèrs Caen, Montpelhièr e Perpinhan.
L’aeropòrt de Bordèu es a l’ora d’ara lo cinquen de l’estat francés, mas lo primièr per sa creissença (7,6% en 2015). Dempuèi la creacion del terminal low cost “Billi” en 2010, cèssa pas de se desvolopar. L’an passat, son trafec despassèt los cinc milions de passatgièrs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari