Actualitats
Una pagina Facebook rapòrta l’actualitat de l’Olimpic de Marselha en occitan
Fondat en 1899, lo club provençal jòga ara en Liga 1 francesa. En 1993 ganhèt la Copa d’Euròpa de fotbòl en venent lo sol club occitan qu’a ganhat aquela competicion
E mai se lo rugbi es considerat coma l’espòrt nacional d’Occitània, lo fotbòl es tanplan un espòrt que desencadena las passions. D’un costat avèm la seleccion occitana de fotbòl, que representa Occitània dins los torneges internacionals de las nacions sens estat, e de l’autre —d’un biais plan mai massís— los clubs de fotbòl Los Girondins de Bordèu, lo Tolosa CF, l'OGC Niça, lo Montpelhièr ESC, l'AS Mónegue e l’Olimpic de Marselha se baton dins la Liga 1. Coneguda coma "lo Campionat", la Liga 1 es la mai granda competicion de fotbòl professional de l’estat francés e Mónegue.
L’occitan es present dins los eveniments esportius, sustot coma lenga de revendicacion e d’afirmacion. Lo trobam tanben coma lenga de comunicacion dins las retransmissions de Ràdio Niça Pantais, e ara dins una pagina Facebook que sa tòca es de raportar en provençal l’activitat de l’Olimpic de Marselha. Sus aquela pagina podèm seguir l'actualitat del club esportiu marselhés dins la lenga del país, coma o podètz remarcar dins una de sas cronicas que reprodusèm çai jos.
L’occitan es present dins los eveniments esportius, sustot coma lenga de revendicacion e d’afirmacion. Lo trobam tanben coma lenga de comunicacion dins las retransmissions de Ràdio Niça Pantais, e ara dins una pagina Facebook que sa tòca es de raportar en provençal l’activitat de l’Olimpic de Marselha. Sus aquela pagina podèm seguir l'actualitat del club esportiu marselhés dins la lenga del país, coma o podètz remarcar dins una de sas cronicas que reprodusèm çai jos.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca l'Olimpic de Marselha! Lo primier equip de la liga francesa per mi e molt milhor que lo Paris Sant German. Viva la senhera provençal e catalana
La pagina es pas en occitan, es en provençau.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari