Actualitats
Vesita istorica del president dels Estats Units a Hiroshima
Coma èra previst, Obama demandèt pas perdon explicitament per aquel atac, mas desirèt qu’un fach coma aquel se tornèsse pas jamai passar
Lo president dels Estats Units, Barack Obama, faguèt divendres passat una vesita istorica a Hiroshima, setanta un ans après que l’armada estatsunidenca i lancèsse la primièra bomba atomica. Aquel atac tuèt sul pic 80 000 personas, puèi a la fin d’aquela annada los mòrts a causa de la bomba èran 140 000, e dins los ans seguents, la tragica chifra contunhèt d’aumentar. “Setanta un ans son passats dempuèi aquel jorn. Èra un matin luminós e sens nívols. La mòrt tombèt del cèl e lo Mond cambièt”, çò diguèt Obama en remembrant aquel 6 d’agost de 1945.
Coma èra previst, Obama demandèt pas perdon explicitament per aquel atac, mas desirèt qu’un fach coma aquel se tornèsse pas jamai passar. “Sèm pas obligats de repetir las errors del passat. Ne devèm aprene”, çò diguèt Obama, qu’apondèt que “la memòria de las victimas pòt pas desaparéisser”.
Dins lo vidèo que seguís podètz veire lo moment qu’Obama e lo primièr ministre de Japon, Abe Shinzo, depausèron una garba al monument consagrat als mòrts de la bomba nucleara.
Coma èra previst, Obama demandèt pas perdon explicitament per aquel atac, mas desirèt qu’un fach coma aquel se tornèsse pas jamai passar. “Sèm pas obligats de repetir las errors del passat. Ne devèm aprene”, çò diguèt Obama, qu’apondèt que “la memòria de las victimas pòt pas desaparéisser”.
Dins lo vidèo que seguís podètz veire lo moment qu’Obama e lo primièr ministre de Japon, Abe Shinzo, depausèron una garba al monument consagrat als mòrts de la bomba nucleara.
Watch @POTUS and Prime Minister @AbeShinzo of Japan lay wreaths at the Peace Memorial in Hiroshima. https://t.co/V8FvufNocu
— The White House (@WhiteHouse) 27 de maig de 2016
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo que havia de demanar perdon era lo president Truman que foguet qui donet permís per açò. Mas la causa per la qual lancaron la bomba atòmica, foguet per far por als russos. Mas als espies russos los donaren la formula, persones importants que l'aconseguiren per evitar una prepotencia de l' Imperi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari