Actualitats
La primièra construccion umana la faguèron de neandertalians en Occitània
L’estructura d’estalagmitas trobada dins la balma de Borniquèl se faguèt fa 176 500 ans
Trobèron dins una balma de Borniquèl (Galhaqués) una estructura circulara facha amb d’estalagmitas e que poiriá èsser la construccion umana mai anciana de l’istòria. La trobalha se faguèt en 1990 mas fins ara se sabiá pas son ancianetat. Dimècres passat, la revista Nature publiquèt la datacion de l’òbra. Las construccions de la balma galhaquesa se faguèron fa 176 500 ans, e doncas l’ipotèsi mai probabla es que foguèsson fachas per de neandertalians. L’uman modèrne atendriá 100 000 ans per bastir quicòm de similar, e 140 000 per arribar en Euròpa.
La construccion se tròba a 336 mètres de prigondor e es facha amb quatre centenats d’estalagmitas talhadas e dispausadas en quatre anèls, qu’entornejan de rèstas de fuòc.
“Avèm realizat un quinzenat de datacions e totas indican 175 000 - 176 000 ans”, çò explica Jacques Jaubert, un dels autors del trabalh e professor de Preïstòria de l’Universitat de Bordèu. “Mas en Euròpa, dins aquelas datas, i viviá pas qu’una espècia del genre Homo, los neandertalians. Solament o pòdon aver fach eles”, çò precisa lo professor.
Aquelas estructuras, que los scientifics las nomenan “espeleofactes”, an 112 mètres d’extension e s’alinhan sus quatre filas de cercles. Los constructors las avián trachas de las parets de la balma. La construccion se planifiquèt sonhadament, empleguèron d’estalagmitas de talhas similaras. Tanplan s’es trobat de material de construccion e quitament s’es confirmat la preséncia de material calfat, çò que confirma l’evidéncia que los neandertalians contrarotlavan lo fuòc.
La foncion d’aquela construccion es encara un mistèri. “Òm va pas a 300 mètres jos la tèrra pel plaser”, çò manifesta lo scientific, que suggerís que i poiriá aver de rason ritualas, o ben que lo sit foguèsse emplegat per entrepausar l’aiga que se filtrava dins las parets de la grota. Ara las ipotèsis son divèrsas, “per de rasons economicas?, tecnicas? de depaus? o un refugi?”, vaquí las questions que se pausan los scientifics, qu’ara considèran que los neandertalians avián una estructura sociala complèxa. Aquela descobèrta confirma tanben que los neandertalians èran fòrça mai intelligents e abils que çò qu’òm cresiá. Fa dos ans se confirmèt qu’emplegavan de curadents per calmar la malautiá parodontala.
Néandertal à Bruniquelpor CNRS
La construccion se tròba a 336 mètres de prigondor e es facha amb quatre centenats d’estalagmitas talhadas e dispausadas en quatre anèls, qu’entornejan de rèstas de fuòc.
“Avèm realizat un quinzenat de datacions e totas indican 175 000 - 176 000 ans”, çò explica Jacques Jaubert, un dels autors del trabalh e professor de Preïstòria de l’Universitat de Bordèu. “Mas en Euròpa, dins aquelas datas, i viviá pas qu’una espècia del genre Homo, los neandertalians. Solament o pòdon aver fach eles”, çò precisa lo professor.
Aquelas estructuras, que los scientifics las nomenan “espeleofactes”, an 112 mètres d’extension e s’alinhan sus quatre filas de cercles. Los constructors las avián trachas de las parets de la balma. La construccion se planifiquèt sonhadament, empleguèron d’estalagmitas de talhas similaras. Tanplan s’es trobat de material de construccion e quitament s’es confirmat la preséncia de material calfat, çò que confirma l’evidéncia que los neandertalians contrarotlavan lo fuòc.
La foncion d’aquela construccion es encara un mistèri. “Òm va pas a 300 mètres jos la tèrra pel plaser”, çò manifesta lo scientific, que suggerís que i poiriá aver de rason ritualas, o ben que lo sit foguèsse emplegat per entrepausar l’aiga que se filtrava dins las parets de la grota. Ara las ipotèsis son divèrsas, “per de rasons economicas?, tecnicas? de depaus? o un refugi?”, vaquí las questions que se pausan los scientifics, qu’ara considèran que los neandertalians avián una estructura sociala complèxa. Aquela descobèrta confirma tanben que los neandertalians èran fòrça mai intelligents e abils que çò qu’òm cresiá. Fa dos ans se confirmèt qu’emplegavan de curadents per calmar la malautiá parodontala.
Néandertal à Bruniquelpor CNRS
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La situacion geogràfica privilegiada que té Occitània, sol, aigua, bons rius , bona terra, vegetació esplendorosa. Fa que la vida sigui molt bona
Pareish qu'avem 4% de neandertal en nosautes e qu'aqueste arram de l'umanitat èra evidentament intelligent. Véser los filmes de J. Malaterre e las publicacions d'Y. Coppens.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari