Actualitats
Camille Senon refusa l’Òrdre Nacional del Meriti en protèsta contra la reforma del còde del trabalh
Subreviventa del chaple d’Orador, sindicalista e feminista, ela se solidariza amb lo movement social contra la lei El-Khomri
Camille Senon, de 93 ans, subreviventa del chaple d’Orador de Glana (País de la Vinhana), a refusat l’Òrdre Nacional del Meriti, per solidaritat amb lo movement social contra la reforma de la lei del trabalh, çò raportava dimenge l’AFP.
“Dins lo contèxt actuau m’es impossible d’acceptar de vòstra part quela distincion”, çò diguèt Senon al primièr ministre francés Manuel Valls dins una letra que li mandèt al començament de mai. “Sei totalament solidària emb las luchas menadas dempuei dos mes per los salariats, los jòunes, una majoritat de deputats e de francés contra la lei trabalh que venètz d’impausar per lo 49.3”, çò precisèt, segon çò que rapòrta Le Populaire.
Camille Senon, ja decorada amb la Legion d’honor, es una infatigabla militanta sindicalista e feminista, que perdèt sa familha assassinada pels soldats nazis en junh de 1944. Èx-secretària generala del sindicat dels chècs postals, es una militanta activa de la CGT.
L’Òrde Nacional del Meriti (vòl dire “òrdre estatal del meriti”) es un òrdre de cavalariá autrejat pel president de la Republica Francesa. Fondat lo 3 de decembre de 1963 pel president Charles de Gaulle, sa tòca es de recompensar los meritis distinguits realizats per una foncion publica, civila o militara o dins l’exercici d’una activitat privada. Foguèt creat per suprimir un grand nombre d’òrdres ministerials e per revalorizar la Legion d’Onor.
“Dins lo contèxt actuau m’es impossible d’acceptar de vòstra part quela distincion”, çò diguèt Senon al primièr ministre francés Manuel Valls dins una letra que li mandèt al començament de mai. “Sei totalament solidària emb las luchas menadas dempuei dos mes per los salariats, los jòunes, una majoritat de deputats e de francés contra la lei trabalh que venètz d’impausar per lo 49.3”, çò precisèt, segon çò que rapòrta Le Populaire.
Camille Senon, ja decorada amb la Legion d’honor, es una infatigabla militanta sindicalista e feminista, que perdèt sa familha assassinada pels soldats nazis en junh de 1944. Èx-secretària generala del sindicat dels chècs postals, es una militanta activa de la CGT.
L’Òrde Nacional del Meriti (vòl dire “òrdre estatal del meriti”) es un òrdre de cavalariá autrejat pel president de la Republica Francesa. Fondat lo 3 de decembre de 1963 pel president Charles de Gaulle, sa tòca es de recompensar los meritis distinguits realizats per una foncion publica, civila o militara o dins l’exercici d’una activitat privada. Foguèt creat per suprimir un grand nombre d’òrdres ministerials e per revalorizar la Legion d’Onor.
#LoiTravail#CGT > Lettre de refus #CamilleSenon à #Valls via @Nadelaplume#Politique#ElKhomri#NuitDeboutpic.twitter.com/bb5oxNoGMn
— Jérôme PASANAU (@JeromePasanau) 30 de maig de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una polida occitana que sap qu' als nazis los cal batre e als ladres de las condicions del traballs tamben.
I a encara de mond amb d'èime e de vergonha. òsca dòna Senon!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari