Actualitats
Mòrt de Mohamed Abdelaziz, president de la RASD e secretari general del Front Polisario
Après una longa lucha contra un càncer, moriguèt dins sos 68 ans dins un espital d’Argeria
Dimars passat de ser moriguèt Mohamed Abdelaziz, secretari general del Front Polisario e president de la Republica Aràbia Saharauí Democratica (RASD). Après una longa lucha contra un càncer, Abdelaziz finiguèt dins sos 68 ans dins un espital d’Argeria.
La Front Polisario a anonciat 40 jorns de dòl e a precisat que lo successor d’Abadelaziz, qu'ocupava la carga dempuèi 1976, serà elegit dins un congrès extraordinari que se tendrà quand s'acabarà lo periòde de dòl.
Abdelaziz venguèt lo secretari general del Front Polisario dins un congrès extraordinari qu'aguèt luòc en agost del 1976. Remplacèt Mustafà Said Al Uali après sa mòrt al combat. En octòbre d’aquel an, Abdelaziz foguèt elegit president de la RASD e renovelèt aquela carga fins ara.
La RASD, que fa partida de l'Union Africana, es estada reconeguda per 85 estats. Cap dels estats ont cap Occitània (França, Itàlia, Espanha, Mónegue) lo reconeisson pas.
Un país de descolonizar
Lo 14 de novembre se compliguèt 35 ans de la partença de l’estat espanhòl dels territòris de la Republica Aràbia Saharauí Democratica. Après la partença dels espanhòls, los saharauís proclamèron la lor independéncia mas l’invasion marroquina provoquèt un conflicte qu’encara es luènh d’èsser resolgut.
Aquel país foguèt considerat coma una partida del territòri espanhòl de 1884 a 1976. Considerat a partir de 1934 coma una província espanhòla de mai, vegèt coma la consciéncia nacionala dels sieus abitants se despertava pendent los ans 1970. Foguèt en 1973 que lo grop de resisténcia Front Polisario comencèt la lucha contra los colonizaires espanhòls. Eles reconeguèron lo drech d’autodeterminacion d’aquel pòble en 1976 mas permetèron que los marroquins e los mauritans los envasiguèsson aquel meteis an.
L’invasion comencèt quand Marròc lancèt 300 000 civils contra las frontièras del Sahara Occidental en 1975. A aquela epòca, lo dictator espanhòl Franco èra a mand de morir, e foguèt lo nòu rei Joan Carles Ir que signèt l’abandon del territòri, en despièch dels dreches dels sieus abitants.
La Front Polisario a anonciat 40 jorns de dòl e a precisat que lo successor d’Abadelaziz, qu'ocupava la carga dempuèi 1976, serà elegit dins un congrès extraordinari que se tendrà quand s'acabarà lo periòde de dòl.
Abdelaziz venguèt lo secretari general del Front Polisario dins un congrès extraordinari qu'aguèt luòc en agost del 1976. Remplacèt Mustafà Said Al Uali après sa mòrt al combat. En octòbre d’aquel an, Abdelaziz foguèt elegit president de la RASD e renovelèt aquela carga fins ara.
La RASD, que fa partida de l'Union Africana, es estada reconeguda per 85 estats. Cap dels estats ont cap Occitània (França, Itàlia, Espanha, Mónegue) lo reconeisson pas.
Un país de descolonizar
Lo 14 de novembre se compliguèt 35 ans de la partença de l’estat espanhòl dels territòris de la Republica Aràbia Saharauí Democratica. Après la partença dels espanhòls, los saharauís proclamèron la lor independéncia mas l’invasion marroquina provoquèt un conflicte qu’encara es luènh d’èsser resolgut.
Aquel país foguèt considerat coma una partida del territòri espanhòl de 1884 a 1976. Considerat a partir de 1934 coma una província espanhòla de mai, vegèt coma la consciéncia nacionala dels sieus abitants se despertava pendent los ans 1970. Foguèt en 1973 que lo grop de resisténcia Front Polisario comencèt la lucha contra los colonizaires espanhòls. Eles reconeguèron lo drech d’autodeterminacion d’aquel pòble en 1976 mas permetèron que los marroquins e los mauritans los envasiguèsson aquel meteis an.
L’invasion comencèt quand Marròc lancèt 300 000 civils contra las frontièras del Sahara Occidental en 1975. A aquela epòca, lo dictator espanhòl Franco èra a mand de morir, e foguèt lo nòu rei Joan Carles Ir que signèt l’abandon del territòri, en despièch dels dreches dels sieus abitants.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un home valent que ha defensat son país, entregat al Marroc per Paca la culona.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari