Actualitats
L’independéncia de Catalonha e Aran segon La Tribune
Lo jornal economic e financièr parisenc n’a publicat un reportatge multimèdia fòrça complet
Lo jornal economic e parisenc La Tribune a publicat un reportatge fòrça larg e complet sus lo procès d’independéncia de Catalonha e Aran. Amb lo títol “Catalogne: vers un nouvel État en Europe ?” (Catalonha: vèrs un nòu estat en Euròpa?), La Tribune explica d’un biais didactic —amb de grafics e de vidèos— las originas istoricas de Catalonha, las relacions amb l’estat espanhòl, lo passatge de l’autonomisme a l’independentisme e la situacion politica actuala. Lo reportatge compren tanben una autra question: aquel fenomèn pòt "contaminar" d’autres endreches d’Euròpa coma Flandra, Escòcia o Sardenha?
La Val d'Aran opausada a l’idependéncia
Per rapòrt a la Val d’Aran, La Tribune afirma qu’”es una region de lenga occitana e una region pro opausada a l’independéncia”. Lo reportatge mençona pas l’oficialitat de la lenga occitana e la relacion bilaterala entre los govèrns de la Generalitat de Catalona e del Conselh General d’Aran.
Vesita de Romeva a París
La setmana passada, lo conselhièr dels Afars exteriors de la Generalitat de Catalonha, Raül Romeva, vesitèt París per explicar lo fuèlh de rota del govèrn catalan a divèrses representants politics, nautes foncionaris e jornalistas franceses. Alavetz La Tribune ja publicava una entrevista de Romeva que podètz legir aicí.
Lo procès d’independéncia de la Republica de Catalonha e Aran es totjorn un tèma important dins las agendas politicas europèas, mai que mai après aver provocat tot sol la repeticion d'eleccions legislativas dins l’estat espanhòl.
La Tribune es un jornal economic e financièr francés, fondat en genièr de 1985 per Bruno Bertez.
La Val d'Aran opausada a l’idependéncia
Per rapòrt a la Val d’Aran, La Tribune afirma qu’”es una region de lenga occitana e una region pro opausada a l’independéncia”. Lo reportatge mençona pas l’oficialitat de la lenga occitana e la relacion bilaterala entre los govèrns de la Generalitat de Catalona e del Conselh General d’Aran.
Vesita de Romeva a París
La setmana passada, lo conselhièr dels Afars exteriors de la Generalitat de Catalonha, Raül Romeva, vesitèt París per explicar lo fuèlh de rota del govèrn catalan a divèrses representants politics, nautes foncionaris e jornalistas franceses. Alavetz La Tribune ja publicava una entrevista de Romeva que podètz legir aicí.
Lo procès d’independéncia de la Republica de Catalonha e Aran es totjorn un tèma important dins las agendas politicas europèas, mai que mai après aver provocat tot sol la repeticion d'eleccions legislativas dins l’estat espanhòl.
La Tribune es un jornal economic e financièr francés, fondat en genièr de 1985 per Bruno Bertez.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Per rapòrt a la Val d’Aran, La Tribune afirma qu’”es una region de lenga occitana e una region pro opausada a l’independéncia”. Lo reportatge mençona pas l’oficialitat de la lenga occitana e la relacion bilaterala entre los govèrns de la Generalitat de Catalona e del Conselh General d’Aran."
Es coma "Vist a la tv". Cresètz qu'es la veritat??
Dison çò que la dòxa mediaticopolitica li arrenga de dire. Perqué? Imaginatz lo problèma que soleva? França lo país de la cultura que fa quasi ren per l'occitan... Marca mal!
Lo reportatge compren tanben una autra question: aquel fenomèn pòt "contaminar" d’autres endreches d’Euròpa coma Flandra, Escòcia o Sardenha, totalitats dels païses catalans e occitans e Euskadi ?… Somniem !
La Tribune afirma qu’Aran seriá una region pro opausada a l’independéncia. Mas cossí se poiriá, qual que siá, èsser favorable a la dependéncia e a l'alienacion ? Anar independent val d'anar liure e viu ! Demandatz a un cec s'i vòl viere clar, tè ! Dependre, aquò val de morir esclafat o de subreviure entre parantèsis.
Es per aiçò que ieu, soi fòrça favorable a l'independénica d'Espanha que se deu desliurar de Catalonha (ja que ne depend fòrça tròp, coma o sabèm fòrça plan !!!) Paures Espanhòls.
E tanben soi fòrça favorable a l'independentisme francés. França es fòrça tròp dependenta d'Occitania, de Corsega, d'Euskadi, d'Alsàcia germanofòna, de Flandras, d'Arpitania e de Bretanha. Una dependénica mai que mai fiscala… Aquel paure país de França a besonh d'aire liure, e d'independéncia per se desalienar de nosautres !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari