Capita mal la concentracion contra lo catalan a Saragossa
I assistiguèron nonmàs qualques dotzenas de manifestants
La concentracion tant anonciada contra lo catalan en Aragon, que se faguèt dimenge de matin a Saragossa, finiguèt que rassemblèt just e just qualques dotzenas de manifestants. Despleguèron de pancartas contra la lenga catalana e exigiguèron que lo govèrn aragonés mantenguèsse la denominacion de LAPAO per la lenga catalana parlada dins la Franja de Ponent.
La concentracion èra estada convocada per la plataforma aragonesa No Hablamos Catalán (Parlam pas Catalan), contra la decision de las Corts d’Aragon d’incorporar a la Lei del patrimòni cultural un article que ditz que lo catalan e l’aragonés son las lengas pròprias d’Aragon.
Aquela decision del parlament aragonés, qu’a obtengut lo sosten del PSÒE, de Podèm, de la Junta Aragonesista (CHA) e d’Esquèrra Unida (IU), es lo primièr pas cap a l’abolicion de la polemica Lei de las lengasaprovada en 2013 pel Partit Popular (PP) e lo Partit Aragonés (PAR), una lei que pretendiá impausar los noms de LAPAO e LAPAPYP per se referir al catalan e a l’aragonés. Lo novèl president aragonés, lo socialista Javier Lambán, ja aviá anonciat l’estiu passat que l’aboliriá e que recuperariá la lei lingüistica de 2009, que reconeissiá l’usança de l’aragonés al nòrd d’Aragon e del catalan dins la Franja.
A la convocacion de la manifestacion avián aderit lo Partit Popular d’Aragon, lo Partit Aragonés, UPYD e lo Blòc Aragonés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'avantatge del lapao es que quand coneisses lo catalan l'as encapat en 3 segondas. Ara lo daissas de caire tre la minuta d'après perque te mainas qu'es de marrit catalan. Que catalan en lapao se ditz lapao mas lapao en catalan se ditz lenga de piòts.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Com he dit ni cas, son falangistes, i que a mes aquests, estimen molt poc la seva Terra.
Visca la Terra Lliure!
"El Tàrrega".
Los facha son barruts, quatre gats retrassats mentals.
L'avantatge del lapao es que quand coneisses lo catalan l'as encapat en 3 segondas. Ara lo daissas de caire tre la minuta d'après perque te mainas qu'es de marrit catalan. Que catalan en lapao se ditz lapao mas lapao en catalan se ditz lenga de piòts.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari