Actualitats
Soïssa: an refusat d’instaurar un revengut de basa per totes
Los adversaris argumentan que seriá un còst tròp naut per l'estat e amendririá la motivacion pel trabalh. Los favorables creson qu'eliminariá la pauretat e la dependéncia de l'assisténcia sociala
Los soïsses an refusat per mai del 75% d’instaurar un revengut de basa per totes los residents al país dins un referendum que se faguèt dimenge passat.
La proposicion compreniá un revengut de 2500 francs soïsses mesadièrs (aperaquí 2 200 èuros) per adulte e 625 (570 èuros) per cada menor de 18 ans. Los que refusavan la mesura, entretant lo govèrn, argumentavan que lo còst seriá tròp naut per l’estat e que supausariá un afebliment de l’economia. D’autres païses coma Finlàndia estúdian la possibilitat d’introduire aquel revengut de basa universal.
Los promotors de l'iniciativa defendon que lo pagament d’un revengut de basa incondicional que cobrisca los besonhs mai elementaris, poiriá eliminar la pauretat e la dependéncia de l’assisténcia sociala e estimulariá la formacion, la creativitat e lo volontariat, e facilitariá que las familhas se poguèsson ocupar dels enfants, dels ancians e de las personas amb dependéncias.
Dins lo referendum de dimenge, los soïsses refusèron tanben que las entrepresas publicas aguèsson pas obligacion d'èsser rendablas. En mai d’aquò, sostenguèron de liberalitzar la medecina reproductiva e d’accelerar lo sistèma de la concession d’asil, e refusèron una iniciativa “per un mercat financièr mai just”.
La proposicion compreniá un revengut de 2500 francs soïsses mesadièrs (aperaquí 2 200 èuros) per adulte e 625 (570 èuros) per cada menor de 18 ans. Los que refusavan la mesura, entretant lo govèrn, argumentavan que lo còst seriá tròp naut per l’estat e que supausariá un afebliment de l’economia. D’autres païses coma Finlàndia estúdian la possibilitat d’introduire aquel revengut de basa universal.
Los promotors de l'iniciativa defendon que lo pagament d’un revengut de basa incondicional que cobrisca los besonhs mai elementaris, poiriá eliminar la pauretat e la dependéncia de l’assisténcia sociala e estimulariá la formacion, la creativitat e lo volontariat, e facilitariá que las familhas se poguèsson ocupar dels enfants, dels ancians e de las personas amb dependéncias.
Dins lo referendum de dimenge, los soïsses refusèron tanben que las entrepresas publicas aguèsson pas obligacion d'èsser rendablas. En mai d’aquò, sostenguèron de liberalitzar la medecina reproductiva e d’accelerar lo sistèma de la concession d’asil, e refusèron una iniciativa “per un mercat financièr mai just”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2
Las afichas hèn partida deu debat democratic soïsse. Son sovent estereotipadas e provocairas, pasmens influéncian sonque lo 2 % deus vòtes. Dins aquesta votacion, ai vist tot plen d'afichas contra lo RBI (Revengut de Basa Incondicionau), e pauc en favor. I a un desequilibri entre los actors, una granda diferéncia de pès economic. Mès fin finala, lo resultat de quasi totas las votacions son deu costat de l'avís deu conselh federau. Lo conselh federau qu'ei l'equivalent deu conselh deus ministres francés mès sonque dab 7 savis de tots los partits màgers elegits au parlament. Los partisans deu RBI an parlat de 2500 francs soïsses per mes. Fòrça expèrts èran d'acòrdi dab un revengut mesadèr mei baish per de rasons d'imposicion e d'incitacion au travalh. Ei perqué lo conselh federau a indicat un avís desfavorable.
#1 L’aficha, fastigosa, establís una equacion : gròs = feniantàs (un insult que nos apren mai de causas sus l’autor que non pas sus l’insultat.)
"La valor trabalh es preponderanta" : es per aquò qu’an refusat un sistèma financièr mai just?
Ne dedusi que per lo mai de 75% dals soïs lo dret de "ganhar" d’argent en fotent pas ren deu estar reservat als ricasses. Mes aquò ba sospechàvem ja.
Lo resultat qu’èra causa sabuda, la valor «travalh» qu'ei preponderanta. Los soïsses avèvan dejà refusat una setmana suplementària de vacanças pagadas.
Mès la question de repensar lo trabalh qu'ei totjorn pausada, sustot dab lo remplaçament vienent de la mieitat de los emplegats per de robòts : https://youtu.be/szzafTjUrJw
Los argumentaris sus e contra lo revengut incondicionau de basa: https://youtu.be/QXP0s7bvpdg (francés), https://youtu.be/u8XJQtIW9dg (anglés), https://youtu.be/jH4vijdhcIk (italian).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari