Actualitats
Lo nombre d’enfants que travèrsan la Mediterranèa cap a Euròpa dobla en un an
Lo nombre d’enfants que travèrsan la Mar Mediterranèa cap a Euròpa s’es doblat dins la darrièra annada, e mai de la mitat d’eles viatjan totes sols, çò a raportat l’Organizacion Internacionala per las Migracions (OIM).
En comparar las donadas amassadas ongan amb las de 2015, l’organisme associat a las Nacions Unidas a afirmat que mai de 7000 menors an fach aquela traversada perilhosa de genièr fins a l’ora d’ara.
L’OIM a apondut que gaireben la mitat del total dels menors non acompanhats provenon de Gàmbia, Egipte, la Còsta d’Evòri e Guinèa.
“Avèm remarcat un aument accentuat dels enfants, mas i a un aument principal dels non-acompanhats. Aquò es un afar generalizat, las esposas viatjan per jónher lors marits, los enfants per jónher lors parents e i a un fòrt desir de reünificacion familiala. D’un autre costat, los procèsses d’autrejament de visats s’esperlongan regularament, o son impossibles, per çò que la temptacion de metre los enfants en mans dels contrabandièrs aumenta, çò que se deuriá pas passar”, çò a dich Joel Millman, pòrtavotz de l’OIM a Genèva.
Segon las informacions mai recentas de l’OIM, aperaquí 206 000 refugiats son intrats en Euròpa per mar en 2016, en arribant en Itàlia, Grècia, Chipre e Espanha.
Aquesta nòva es adaptada de Geopolítica.cat amb qui Jornalet a un acòrdi de cooperacion.
En comparar las donadas amassadas ongan amb las de 2015, l’organisme associat a las Nacions Unidas a afirmat que mai de 7000 menors an fach aquela traversada perilhosa de genièr fins a l’ora d’ara.
L’OIM a apondut que gaireben la mitat del total dels menors non acompanhats provenon de Gàmbia, Egipte, la Còsta d’Evòri e Guinèa.
“Avèm remarcat un aument accentuat dels enfants, mas i a un aument principal dels non-acompanhats. Aquò es un afar generalizat, las esposas viatjan per jónher lors marits, los enfants per jónher lors parents e i a un fòrt desir de reünificacion familiala. D’un autre costat, los procèsses d’autrejament de visats s’esperlongan regularament, o son impossibles, per çò que la temptacion de metre los enfants en mans dels contrabandièrs aumenta, çò que se deuriá pas passar”, çò a dich Joel Millman, pòrtavotz de l’OIM a Genèva.
Segon las informacions mai recentas de l’OIM, aperaquí 206 000 refugiats son intrats en Euròpa per mar en 2016, en arribant en Itàlia, Grècia, Chipre e Espanha.
Aquesta nòva es adaptada de Geopolítica.cat amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari