Actualitats
Brussèlas e Genèva examinan la discriminacion lingüistica de l’estat francés
Los expèrts de l’ÒNU s’estonan de la posicion francesa a prepaus de la manca de dreches lingüistics
L’occitan Alexis Quentin e lo breton Tangi Louarn, representants del Ret Europèu per l’Egalitat Lingüistica (ELÈN segon sa sigla en anglés), intervenguèron diluns passat al Conselh Economic, Social e Cultural de l’ÒNU a Genèva. I presentèron las discriminacions contra los locutors de las lengas autoctònas de l’estat francés dins l’encastre de l’educacion, los mèdias e la vida publica. “Avèm remembrat que segon la Comission Europèa contra lo Racisme e l’Intolerància (ÈCRI), França a una granda mancança tocant la discriminacion lingüistica”, çò expliquèt Louarn a Le Telegramme.
Al cors d’aquela session, dos expèrts independents del comitat, un espanhòl e un colombian, interpelèron la delegacion francesa. “L’expèrt espanhòl s’es estonat de la posicion francesa que la modificacion constitucionala que fa de las lengas regionalas un patrimòni de França crèe pas cap de drech ni cap de libertat que la Constitucion garentisca”, çò afirmava lo representant breton a Ouest France. De fach, aquel expèrt “s’interroguèt tanben sus la lectura restrictiva dels dreches que fa França de la Carta Europèa de las lengas Regionalas o Minoritàrias”.
De fach, el soslinhèt que lo rapòrt de l’ÈCRI constata la caréncia de l’estat francés tocant la discriminacion lingüistica e demandèt a la delegacion francesa de “comolar aquela mancança”.
Alexis Quentin e lo breton Tangi Louarn avián ja presentat la situacion de las lengas de l’estat francés lo 1r de junh al Parlament Europèu dins l’encastre del seminari sus las discriminacions lingüisticas, organizat per l’elegida del Sinn Feinn, Liadh Ní Riada, e per lo Ret Europèu per l’Egalitat Lingüistica (ELÈN).
L’ELÈN
Lo Ret Europèu per l’Egalitat Lingüistica (ELÈN) se constituiguèt en 2011 per trabalhar sus la proteccion e promocion de las minoritats regionalas d’Euròpa e de las lengas en situacion de minorizacion. Fins ara, representa 44 lengas dels 21 estats europèus.
A tanben una seccion dins l’Estat francés que trabalha per denonciar las discriminacions contra la nòstra lenga entretant.
Al cors d’aquela session, dos expèrts independents del comitat, un espanhòl e un colombian, interpelèron la delegacion francesa. “L’expèrt espanhòl s’es estonat de la posicion francesa que la modificacion constitucionala que fa de las lengas regionalas un patrimòni de França crèe pas cap de drech ni cap de libertat que la Constitucion garentisca”, çò afirmava lo representant breton a Ouest France. De fach, aquel expèrt “s’interroguèt tanben sus la lectura restrictiva dels dreches que fa França de la Carta Europèa de las lengas Regionalas o Minoritàrias”.
De fach, el soslinhèt que lo rapòrt de l’ÈCRI constata la caréncia de l’estat francés tocant la discriminacion lingüistica e demandèt a la delegacion francesa de “comolar aquela mancança”.
Alexis Quentin e lo breton Tangi Louarn avián ja presentat la situacion de las lengas de l’estat francés lo 1r de junh al Parlament Europèu dins l’encastre del seminari sus las discriminacions lingüisticas, organizat per l’elegida del Sinn Feinn, Liadh Ní Riada, e per lo Ret Europèu per l’Egalitat Lingüistica (ELÈN).
L’ELÈN
Lo Ret Europèu per l’Egalitat Lingüistica (ELÈN) se constituiguèt en 2011 per trabalhar sus la proteccion e promocion de las minoritats regionalas d’Euròpa e de las lengas en situacion de minorizacion. Fins ara, representa 44 lengas dels 21 estats europèus.
A tanben una seccion dins l’Estat francés que trabalha per denonciar las discriminacions contra la nòstra lenga entretant.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò mòstra lo camin estrech . E es la darrièia dralha que podèm seguir, que tot lo demai s'encalèt dempuèi mai d'un sègle. Mentre que la lenga contunha de crebar.... Pas d'òc dins las escòlas publicas , pas cap de tele, pas de radiò, pas cap de premsa "nacionala" . Fin finala lo morralh. La denonciacion internacionala es la bona solucion. De longa lo franchimand fa lo bèl sus l'empont internacional, galineja sus la grandor del païs dels dreches de l'òme , lo far de la democracia, benlèu que lo vent vira e que se farà clava lo bèc. Lo masc es al punt de tombar.
#1 Se l'ÒNU aviá de poder, o sabriam.
Una bòna nòva!!!
En esperant qu'aquel "constat" sieie seguit d'efièches e que non sieie per far un bèl rapòrt de mai sus lo subjècte que durmirà dins un polit tiraor e s'eissubliarà après!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari