Actualitats
Santa Florença: an condemnat lo cònsol màger per voler prevenir de las inondacions
L’elegit aviá fach de trabalhs de curatge d’un cors d’aiga, que segon la justícia an de “consequéncias environamentalas importantas sus la fauna e la flòra”
La justícia a condemnat Daniel Amblevert, cònsol màger de Santa Florença (Entre Doas Mars), per aver realizat de trabalhs per prevenir los risques d’inondacion, çò publica Le Figaro. La cort d’apelacion de Bordèu ven de comunicar lo refús de son recors contra una senténcia de febrièr de 2015, que condemnava lo cònsol gascon a una multa de 1500 èuros per aver realizat de trabalhs de curatge d’un cors d’aiga. En mai d’aquò, Amblevert deu pagar 5000 èuros de damatges e interèsses a la Sepanso, la federacion de las societats per l’estudi, la proteccion e l’amainatjament de la natura. La justícia li repròcha d’aver netejat aquel cors d’aiga sens autorizacion prèvia, que l’acusacion afirma que son de trabalhs “nocius al debit de l’aiga e a la vida aquatica”, e qu’an de “consequéncias environamentalas importantas sus la fauna e la flòra”.
Amblevert aviá realizat de trabalhs de curatge e netejatge d’un cors d’aiga de sa comuna de 130 abitants per evitar d’inondacions, e per aquela rason foguèt portat en justícia. L’elegit foguèt relaxat en primièra instància pel tribunal correccional de Liborna, mas lo ministèri public s’apelèt e la cort d’apelacion de Bordèu lo condemnèt lo 17 de febrièr de 2015; e que ven de de refusar lo recors.
“Qu’èi hèit çò que lo men ròtle d’elegit m’impausa de har dens lo quadre de las mias competéncias per la prevencion e la proteccion deus bens e de las personas”, çò declarèt lo cònsol, que dempuèi 32 ans es vicepresident de la comunautat de comunas ont el es precisament en carga de l’environament, dels bacins versants e de las ribas de Dordonha. “Se los arrius e los hossats non son pas entretenguts, aquò pòt entraïnar problèmas catastrofics”, çò precisa lo cònsol, qu’assegura qu’o tornariá far. Lo riu en question auriá menaçat “25 abitacions ont residissen 65 personas e tota ua zòna de cultura”.
Amblevert acusa “l’excès de zèl e l’entestament” de l’administracion e quitament “la dictatura de las associacions environamentalas que defenden ua ecologia utopista e non practica”. “L’ecologia es la mei bèra causa de defénder dens los nòstes territòris ruraus, mes es mau defenduda quand se hè de manèra excessiva”, çò declarèt.
Amblevert aviá realizat de trabalhs de curatge e netejatge d’un cors d’aiga de sa comuna de 130 abitants per evitar d’inondacions, e per aquela rason foguèt portat en justícia. L’elegit foguèt relaxat en primièra instància pel tribunal correccional de Liborna, mas lo ministèri public s’apelèt e la cort d’apelacion de Bordèu lo condemnèt lo 17 de febrièr de 2015; e que ven de de refusar lo recors.
“Qu’èi hèit çò que lo men ròtle d’elegit m’impausa de har dens lo quadre de las mias competéncias per la prevencion e la proteccion deus bens e de las personas”, çò declarèt lo cònsol, que dempuèi 32 ans es vicepresident de la comunautat de comunas ont el es precisament en carga de l’environament, dels bacins versants e de las ribas de Dordonha. “Se los arrius e los hossats non son pas entretenguts, aquò pòt entraïnar problèmas catastrofics”, çò precisa lo cònsol, qu’assegura qu’o tornariá far. Lo riu en question auriá menaçat “25 abitacions ont residissen 65 personas e tota ua zòna de cultura”.
Amblevert acusa “l’excès de zèl e l’entestament” de l’administracion e quitament “la dictatura de las associacions environamentalas que defenden ua ecologia utopista e non practica”. “L’ecologia es la mei bèra causa de defénder dens los nòstes territòris ruraus, mes es mau defenduda quand se hè de manèra excessiva”, çò declarèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
# 1-2 Efectivament qu’ei impossible de trobar l’etiqueta de Mos Amblevert, se tant i a que l’agi de besonh en ua comuna de 130 estatjants on la proximitat umana e senhoreja (e tant miélher).
En tot cap, capulats d’amduas parts de la garba politica que’u sostienón, com "Gérard César, député UMP, Florent Boudié, député socialiste, le maire socialiste de Libourne Philippe Buisson".
Le Figaro (dont sàbem en venciva l’encarada) que causeish un titolat dab un acorcit enganiu: "Un maire condamné pour avoir voulu prévenir des risques d'inondations", revirat mot e mot per Jornalet.
Aquò n’ei pas briga l’encarc, e qu’ac saben.
L’encarc qu’ei d’ac aver hèit shens assabentà’s sus las leis qui regeishen activitats d’aqueras, nimei har los estudis d’impacte qui calè (e mei, ce sembla, d’aver deliberadament ignorat tot aquò).
Que sufeish de’s passejar per cantèras entà saber que los arrius grands e petits e los quites varats, crastas e chòpas e son un refugi d’espècias, grauchas, pesquits, etc. qui los nostes braves paisans e mespresan. Ce digó un viticultor: « Pour avoir dérangé quelques crapauds et rainettes dans ce fossé, Daniel Amblevert se retrouve accusé. Le bons sens n’existe plus ».
(E per "dérangé", b’èi hida aqueth mossur plen de "bon sens" que vòu díser "hèit perir".) Òr los sapos e ranas que son un indicator biologic deus essenciaus, mes los trastos d'aqueth escantilh que se’n chautan com deus lors purmèrs bajòus.
Lo "bon sens" que vòu que ne sia pas jamei lo moment d’encuentà’s de protegir l’enviroament (quan ne seratz oficiaument encarcat)…
Lo "bon sens" com l’entenen Mos Amblevert e los sons amics n’ei pas l’amic de la natura e de la cultura d’Occitània. Qu’ei la sòrta de "bon sens" qui encara lo monde a manifestar contra l’obertura d’ua calandreta o a contestar la proteccion deus ausèths en eslip, a còps de pala.
Fa mai de 50 ans que destruisisson los nòstres paisatges, que construisisson en zòna inondabla, que suprimisson los emplecs agricòlas e los comercis. Mas quand se va en justicia per far respectar las paucas leis de proteccion, non an pas de vergonha per refutar las décisions de justícia
Es segurament aquel tipe d'elegits clientalistas UMP, PS o sense etiquetas que respectan pas las leis , ni escotan ço que disons los especialistas. 31 ans qu'es elegit. quina vergonha
En général, son contra l' occitan perque fa perdre de vote.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari