Dins tres jorns s’acaba la campanha de micromecenatge per que las doas seleccions occitanas de fotbòl participen a l’Europeada 2016, lo torneg de fotbòl de las minoritats d’Euròpa que se debanarà del 18 al 25 de junh en Sud-Tiròl, en amassant un trentenat de pòbles e nacions minorizadas. Lo principi de tot o res s’aplica a aquela campanha e es doncas important que capite ben l’objectiu per i poder menar las colors d’Occitània en i presentant, per lo primièr còp, una esquipa femenina e una de masculina.
 
Ongan es lo primièr còp qu’Occitània i presenta una esquipa femenina e una de masculina. Las recompensas als que faràn de dons, ongan, van d’un grandmercé amb una bandiereta de l’esquipa fins als malhòts oficials, al pòlo e a d’autres esquipaments. En mai d’aquò, cal saber que cada don es deductible al 66% dels impòstes. Clicatz aicí per far un don.
 
 
De bons resultats per Occitània
 
Dins las doas edicions anterioras de l’Europeada, en 2008 e 2012, la seleccion de Sud-Tiròl foguèt proclamada campiona: dins la primièra escasença en vencent la seleccion dels croats de Serbia, e dins la segonda en vencent los gitanos d’Ongria.
 
En 2012, Occitània arribèt als quarts de finala. Après tres victòrias consecutivas, perdèt 3-0 contra Sud-Tiròl dins una partida “malaisida”.