Lo jornal italian Il Giornale a levat una polemica enòrma après la publicacion e distribucion, dissabte passat, de Mein Kampf (Mon combat), lo libre escrich per Adolf Hitler en 1925. Segon Il Giornale, qu’es proprietat de la familha Berlusconi, la publicacion a solament la volontat de far de pedagogia contra los totalitarismes: “Es un axiòma recurrent dins los manuals d’estrategia, que per véncer l’enemic lo cal conéisser”, çò a justificat.
 
Ça que la, l’explicacion del jornal a pas sufit per la comunautat josieva, qu'a exprimit son malcontentament: “Es un fach sinistre, a d’annadas lutz de tota logica d’apregondiment e d'estudi de l’Olocaust”.  Lo primièr ministre italian, Matteo Renzi, publiquèt sus Twitter un messatge de solidaritat amb la comunautat josieva: “Me sembla sordid qu'un jornal italian ofrisca uèi Mein Kampf d’Hitler. Envii una afectuosa abraçada a la comunautat josieva. Jamai pus!”.
 
 

Trovo squallido che un quotidiano italiano regali oggi il Mein Kampf di Hitler. Il mio abbraccio affettuoso alla comunità ebraica #maipiù

— Matteo Renzi (@matteorenzi) 11 de juny de 2016