Actualitats
Lo Papa renóncia a una donacion milionària del govèrn argentin
Lo don, de mai d’un milion d’èuros, èra pel ret d’escòlas Scholas Ocurrentes
Lo Papa Francés a demandat als directors mondials de Scholas Occurrentes, José María del Corral e Enrique Palmeyro, que retòrnen un don de 16,6 milions de peses argentins —aperaquí 1,07 milions d’èuros— del govèrn argentin, qu’aprovèt per decrèt lo president Mauricio Macri. Scholas Occurrentes es un ret d’escòlas fondada pel Papa Francés en 2013, e transformada en fundacion pontificala dos ans mai tard.
Dins sa letra als directors de l’institucion, Francès a afirmat que “Lo govèrn argentin deu satisfar tant de besonhs del pòble, qu’avèm pas lo drech de li demandar quitament pas un centim”, çò publica La Nación. A mai, segon Vatican Insider, la soma exacta —16 666 milions— foguèt compresa coma una galejada de marrit gost, per l’allusion al “numèro de la bèstia”.
En sa responsa al govèrn argentin, reprodusida dins Página12, Del Corral e Palmeyro afirman que “considerant qu’i a de mond que pretendon fòraviar aquel gèst institucional amb l’objectiu de generar de confusion e division entre los argentins, convenèm d’acceptar pas l’aportacion”.
Lo don es estat interpretat per d’analistas politics e religioses coma un gest d’apròchi de Macri a Francés. Ça que la, d’autres o an vist coma una temptativa de crompar la simpatia del papa vèrs lo nòu president.
Macri aplica de politicas neoliberalas qu’an fach créisser la pauretat e qu’an ocasionat una crisi que se manifèsta amb lo naut prètz dels servicis publics, la barradura de petitas entrepresas e botigas e de licenciaments massius. De manifestacions popularas de protèsta se debanan gaireben cada jorn en la Republica Argentina tota.
Dins sa letra als directors de l’institucion, Francès a afirmat que “Lo govèrn argentin deu satisfar tant de besonhs del pòble, qu’avèm pas lo drech de li demandar quitament pas un centim”, çò publica La Nación. A mai, segon Vatican Insider, la soma exacta —16 666 milions— foguèt compresa coma una galejada de marrit gost, per l’allusion al “numèro de la bèstia”.
En sa responsa al govèrn argentin, reprodusida dins Página12, Del Corral e Palmeyro afirman que “considerant qu’i a de mond que pretendon fòraviar aquel gèst institucional amb l’objectiu de generar de confusion e division entre los argentins, convenèm d’acceptar pas l’aportacion”.
Lo don es estat interpretat per d’analistas politics e religioses coma un gest d’apròchi de Macri a Francés. Ça que la, d’autres o an vist coma una temptativa de crompar la simpatia del papa vèrs lo nòu president.
Macri aplica de politicas neoliberalas qu’an fach créisser la pauretat e qu’an ocasionat una crisi que se manifèsta amb lo naut prètz dels servicis publics, la barradura de petitas entrepresas e botigas e de licenciaments massius. De manifestacions popularas de protèsta se debanan gaireben cada jorn en la Republica Argentina tota.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo govern argentin de dretas han volgut comprar a lo Papa amb diners, mas lo P. sap que son uns pocavergonhas e que lo que volen es far retalhades, e mai retalhades dels drets dels trabalhadors, per acò a dit No ho voli pas !
Se disiá quicòm coma: Duas habet e bene pendente. Es colhonut aquel Papa!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari