Actualitats
País Valencian: lo cardinal-archevesque de Valéncia mes en examen per un delicte d’òdi
Cañizares parlèt en favor “del ben preciós de la familha crestiana”, que segon el es atacada per “l’empèri gai e cèrtas ideologias feministas”
Lo parquet de Valéncia examinarà se las declaracions del cardinal-archevesque valencian Antonio Cañizares, en favor “del ben preciós de la familha crestiana”, que segon el es atacada per “l’empèri gai e cèrtas ideologias feministas”, son un delicte d’incitacion a l’òdi. En seguida d’aquelas declaracions, un cinquantenat d’associacions, sindicats e partits faguèron lor denóncia en justícia contra Cañizares.
Après sas declaracions, lo cardinal-archevesque mandèt una letra als parroquians ont retirèt sas paraulas e ont demandèt perdon se sos prepauses “avián pogut ferir”. Ça que la, lo cap religiós demandava al president de la Generalitat Valenciana, Ximo Puig, e al sindic del movement politic Compromís, Fran Ferri, de rectificar: “per rapòrt a vosautres, e per justícia envèrs la Glèisa, que pòt pas èsser tractada aital”. Lor disiá aquò en los acusant de “maltractar la Glèisa”. “Prègui per eles e los perdoni, sabon pas çò que fan”, çò afirmava.
Lo collectiu omosexual valencian ditz qu’aquela letra es pas brica sufisenta. Lo cardinal-archevesque “se presenta coma una victima quand en realitat las victimas sèm las personas qu’el a atacat amb sas declaracions: lo collectiu LGBT e lo movement feminista”.
Una aficha qu’a irritat lo cardinal-archevesque
De son costat, lo collectiu Endavant a cridat a la manifestacion que se tendrà dissabte que ven en favor dels dreches de las lesbianas, gais, transexuals e bisexuals a Valéncia, amb una aficha qu’a irritat Cañizares. Amb lo lèma “contra la sagrada opression, aima coma voldràs”, l’aficha mòstra Nòstra Dòna dels Desemparats, patrona de Valéncia, e Nòstra Dòna de Montserrat, patrona de Catalonha, que se fan un poton.
Per tant, Cañizares convoquèt aqueste dijòus un “acte de desdomatjament” a la Verge dels Desemparats, pr’amor que segon el, l’imatge del poton de las doas dònas “ferís prigondament los sentiments dels catolics valencians e de totes los òmes e femnas de bona volontat”. L’acte consistiguèt en una pregària del Rosari e una messa dins la catedrala.
D’un autre costat, lo partit uldradrechista Vox a anonciat que denonciarà Endavant per delicte contra los sentiments religioses.
Après sas declaracions, lo cardinal-archevesque mandèt una letra als parroquians ont retirèt sas paraulas e ont demandèt perdon se sos prepauses “avián pogut ferir”. Ça que la, lo cap religiós demandava al president de la Generalitat Valenciana, Ximo Puig, e al sindic del movement politic Compromís, Fran Ferri, de rectificar: “per rapòrt a vosautres, e per justícia envèrs la Glèisa, que pòt pas èsser tractada aital”. Lor disiá aquò en los acusant de “maltractar la Glèisa”. “Prègui per eles e los perdoni, sabon pas çò que fan”, çò afirmava.
Lo collectiu omosexual valencian ditz qu’aquela letra es pas brica sufisenta. Lo cardinal-archevesque “se presenta coma una victima quand en realitat las victimas sèm las personas qu’el a atacat amb sas declaracions: lo collectiu LGBT e lo movement feminista”.
Una aficha qu’a irritat lo cardinal-archevesque
De son costat, lo collectiu Endavant a cridat a la manifestacion que se tendrà dissabte que ven en favor dels dreches de las lesbianas, gais, transexuals e bisexuals a Valéncia, amb una aficha qu’a irritat Cañizares. Amb lo lèma “contra la sagrada opression, aima coma voldràs”, l’aficha mòstra Nòstra Dòna dels Desemparats, patrona de Valéncia, e Nòstra Dòna de Montserrat, patrona de Catalonha, que se fan un poton.
Per tant, Cañizares convoquèt aqueste dijòus un “acte de desdomatjament” a la Verge dels Desemparats, pr’amor que segon el, l’imatge del poton de las doas dònas “ferís prigondament los sentiments dels catolics valencians e de totes los òmes e femnas de bona volontat”. L’acte consistiguèt en una pregària del Rosari e una messa dins la catedrala.
D’un autre costat, lo partit uldradrechista Vox a anonciat que denonciarà Endavant per delicte contra los sentiments religioses.
Contra la sagrada opressió
— Endavant OSAN (@Endavant_OSAN) 9 de juny de 2016
Estima com vulgues
Manifestació | Dissabte 18 de juny 19.30 h Parterre | València pic.twitter.com/TT2r0zZDmM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#14 Feminazis? Òsca per aqueth punt de Godwin, beròiament jogat. Estotz nhacat per ua feminista a quate ans que n’atz guardat un traumatisme? O lhèu trufat per ua a quatorze ans?
—
E tè, pertocant au feminisme, que plóram uei lo decès de Na Benoîte Groult, ua Dauna ab ua D màger, qui’ns brombèva duas vertats au demiei de mila autas :
- Lo feminisme es atacat quan n’a pas jamei tuat ni portat nada violéncia.
- A totas las* qui paishen l’illusion que l'egalitat ei çò d’aquesit e que l'istòria ne torna pas tà l’endarrèr, díser que voi n’i a pas arren de mei precari que los drets de las hemnas.
—
* Que i horneishi : "e tots los" e que brombi a las estimadas consòrs que lo substantiu e l’adjectiu "feminista" e son epicèns.
#13 la laicitat nomes ha estat possible per un contexte social cristiá sobretot protestant si depengues de les feminazi no hi seria mai.
#12 Vertat que, per rasons istoricas e politicas, uei lo jorn la "sacrada opression" (bèra tròba aquera) que seveish màgerment en país d’islam. Denoncià’c que cau. Mes que s’apren mei que mei a un fèit : la secularizacion/laïcizacion de las societats occidentaus. Dit autament, qu’am musetat las glísias; que pòden enqüèra nhaular beròi — nhacar, pas tant com d’auts còps.
Mes çò qui l’istòria a hèit l’istòria b’ac pòt des·har. Un trocet de la populacion n’an pas jamei acceptat la laïcitat e que militan entau retorn de la religion com actor politic. E ne parli pas deus sols islamistas senon tanben, e lhèu sustot, deus integristas catolics. Los neocons que tròban escot (chic escot, mes tostemps tròp) quan sajan de har enebir lo blasfèmi, d’esbrecar los guadanhs deu feminisme, etc. o quan proclaman que "l’omosexualitat ei ua abominacion" (C. Boutin). Aqueth monsenhor qu’ac illustra de plan.
Que seré ua error de créder la separacion Glísia/Estat que sii ua causa irreversibla.
De tota faiçon, melhorar çò de son qu’ei mei productiu (e mei haseder) que non pas de voler har l’estruç en çò deu vesin. Los progrès sociaus o societaus qu’an valor tant qui’us empàram e qui’us ahortéishem, ací e adara.
la sagrada opression exista sonque dins lei pais musulmans, es a-n-eli qu'aquesteis organisacions devon s'atacar e non pas a una religion agonica qu'a ges de poder dins lei societats occidentalas e qu'ei persecutada dins lei societats orientalas, lei lobby riscan ren de s'atacar à la glèisa, son bridats en Russia, ei pas pus mau que coneisson pas lei provocacions de la gai pride, mai Siouplèt, messiés damas de la subre-gaia companhià, dirigetz vostra artilharià en direcion dei pais islamics,, ailà es util que la persecucion que fan deis omoseissuaus es inadmissible
Compte tengut de ço qu'es estat lo rotle istoric de la Gleisa caolica dins l'istoria d'Espanha, aqueu personatge tant valria que se quesesse, per pura decéncia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari