Dempuèi febrièr se parla un autre còp d’una possibla nòva guèrra entre Etiopia e Eritrèa. Las condicions començan d’èsser propícias per un nòu scenari bellic entre aqueles païses africans. La setmana passada i a agut una nòva ondada de nacionalisme en Eritrèa que poiriá ajudar a transformar la situacion actuala en una guèrra dobèrta.
Dimars 14 de junh l’ambaissada eritrèa en Kenya alertava de nòus atacs etiopians sus la frontièra d’aquel país. Aital, i auriá ja aguda una batalha amb de mòrts entre las armadas d’Etiopia e Eritrèa. La situacion seriá doncas pro perilhosa.
Aqueles dos païses avián ja viscut una guèrra entre 1999 e 2000 per un petit territòri que i a entre Etiopia e Eritrèa nomenat Tsorana. En aquela ocasion i aguèt de desenats de milièrs de mòrts e la situacion s’acabèt pas ben.
Se sap que los dos païses son a mandar de tropas a la frontièra un autre còp e divèrsas informacions qu’arriban dempuèi Asmara, la capitala d’Eritrèa, confirman que la fatalitat poiriá arribar plan lèu. Aital o a soslinhat Meron Stefanos, un jornalista eritrèu que, malgrat que demòre en Suècia, confirma que la situacion es fòrça instabla e qu’una nòva guèrra seriá de verai fòrça interessanta per Eritrèa per non aver de parlar d’autres tèmas.
Una nòva guèrra coma distraccion
Eritrèa es un país que sa populacion es lo seisen d’aquela d’Etiopia. Aguèt son independéncia dins los ans 1990 après una guèrra de liberacion de la quita Etiopia. Tre alavetz, las condicions economicas en Eritrèa son estadas fòrça marridas amb de restriccions d’electricitat, d’aiga, de gas e de pan a cha jorn.
Aquestes darrièrs ans, de milièrs de joves eritrèus an fugit en Euròpa pr’amor que refusan de far mai lo servici militar obligatòri. Per eles Eritrèa es coma una preson. Mas ara qu’Etiopia patís una nòva ondada de nacionalisme, que se pòt far?
E mai se s’es ja confirmat l’enviament de soldats, de tancs e d’artilhariá etiopians e eritrèus al front de Tsorona, una comission internacionala confirmèt fa qualques ans qu’aquel territòri disputat aperten a Eritrèa. Mas los soldats etiopians se’n van pas. Es aquò la rason dels atacs de l’armada eritrèa.
Amb lo començament d’una nòva guèrra entre Etiopia e Eritrèa, las libertats civilas dins los dos païses poirián èsser suspendudas. E los analistas dison qu’una revòlta civila en Eritrèa es a mand d’arribar. Ja en 2013 una partida de l’armada eritrèa se levèt contra lo govèrn eritrèu. Benlèu aquò poiriá arrestar una nòva guèrra totala en Africa.
Christian Andreu
Dimars 14 de junh l’ambaissada eritrèa en Kenya alertava de nòus atacs etiopians sus la frontièra d’aquel país. Aital, i auriá ja aguda una batalha amb de mòrts entre las armadas d’Etiopia e Eritrèa. La situacion seriá doncas pro perilhosa.
Aqueles dos païses avián ja viscut una guèrra entre 1999 e 2000 per un petit territòri que i a entre Etiopia e Eritrèa nomenat Tsorana. En aquela ocasion i aguèt de desenats de milièrs de mòrts e la situacion s’acabèt pas ben.
Se sap que los dos païses son a mandar de tropas a la frontièra un autre còp e divèrsas informacions qu’arriban dempuèi Asmara, la capitala d’Eritrèa, confirman que la fatalitat poiriá arribar plan lèu. Aital o a soslinhat Meron Stefanos, un jornalista eritrèu que, malgrat que demòre en Suècia, confirma que la situacion es fòrça instabla e qu’una nòva guèrra seriá de verai fòrça interessanta per Eritrèa per non aver de parlar d’autres tèmas.
Una nòva guèrra coma distraccion
Eritrèa es un país que sa populacion es lo seisen d’aquela d’Etiopia. Aguèt son independéncia dins los ans 1990 après una guèrra de liberacion de la quita Etiopia. Tre alavetz, las condicions economicas en Eritrèa son estadas fòrça marridas amb de restriccions d’electricitat, d’aiga, de gas e de pan a cha jorn.
Aquestes darrièrs ans, de milièrs de joves eritrèus an fugit en Euròpa pr’amor que refusan de far mai lo servici militar obligatòri. Per eles Eritrèa es coma una preson. Mas ara qu’Etiopia patís una nòva ondada de nacionalisme, que se pòt far?
E mai se s’es ja confirmat l’enviament de soldats, de tancs e d’artilhariá etiopians e eritrèus al front de Tsorona, una comission internacionala confirmèt fa qualques ans qu’aquel territòri disputat aperten a Eritrèa. Mas los soldats etiopians se’n van pas. Es aquò la rason dels atacs de l’armada eritrèa.
Amb lo començament d’una nòva guèrra entre Etiopia e Eritrèa, las libertats civilas dins los dos païses poirián èsser suspendudas. E los analistas dison qu’una revòlta civila en Eritrèa es a mand d’arribar. Ja en 2013 una partida de l’armada eritrèa se levèt contra lo govèrn eritrèu. Benlèu aquò poiriá arrestar una nòva guèrra totala en Africa.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Seriá interessant de saber qual vend de material militar als unes e als autres, e tanben de mesurar lo còst d'extraccion de las matèiras primièras dins un territòri e dins l'autre amb o sens guèrra. Permetriá benlèu d'entendre melhor los enjòcs d'aquela santa p… de guèrra.
la guerra es un enfanticidi diferit, escriguèt lo sociolog nord-catalan Gaston Bouthol après la radiera guerra mondiala. lo costat crotz de la medalha, quand lei pais europencs vivon en patz, que la democratia s'es intstitucionalizada , que lo capitalisme a aduch un ben-estre jamai couneigut peravans baissa la populacion, lo nombre de joines gonfles de testosteron deminisse, la guerra s'aluencha de l'orizont, mai l'emigracion de massa dei pais orientaus e subsaharis, se contunia, nos remandarà mai dins un estat de guerra qu'existià ja au neolitic, amb una esperança de vida de vint a trenta ans e per pauc que l'atome se n'enmalicia, la planeta sarà sauvada que rescaufada o rafrescada farà son trantrant imperatiu e infalhible
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari