Actualitats
Qatar comanda a Itàlia sèt vaissèls de guèrra
Lo contracte signat es de 3,8 miliards d’èuros e crearà 10 000 emplecs
Qatar e Itàlia signèron un contracte divendres passat de 3,8 miliards d’èuros. Lo finalizèron la ministra de la defensa italiana, Roberta Pinotti, e son omològ de Qatar, Khalid Bin Muhammad Al Attiya. L’emirat comanda a Itàlia la construccion de quatre corvetas de guèrra de mai de 100 mètres, un vaissèl anfibi (landing platform dock) e dos vaissèls de patrolha (offshore patrol vessels),segon çò que rapòrta Geopolítica.cat.
Los vaissèls se devon liurar abans 2024 e se bastiràn integralament en Itàlia. Los fabricarà la societat Fincantieri e los trabalhs se realizaràn a Muggiano (La Spezia) e Riva Trigoso (Gènoa). Emplegaràn 10 000 salariats. Pinotti raportava l’acòrdi coma “la comanda mai granda de l’indústria de la defensa jamai obtenguda per una societat italiana”.
Los sistèmas de radar seràn elaborats per Selex Se (Leonardo), del temps que los sistèmas de missils los farà la multinacionala MBDA, una societat que lo 25% aperten a Leonardo. Las armas de bòrd las produson totjorn Leonardo, èx-Finmeccanica.
Al delà de la construccion dels vaissèls de guèrra, l’acòrdi prevei tanben de provesir a Qatar de sosten logistic e de formacion.
Los vaissèls se devon liurar abans 2024 e se bastiràn integralament en Itàlia. Los fabricarà la societat Fincantieri e los trabalhs se realizaràn a Muggiano (La Spezia) e Riva Trigoso (Gènoa). Emplegaràn 10 000 salariats. Pinotti raportava l’acòrdi coma “la comanda mai granda de l’indústria de la defensa jamai obtenguda per una societat italiana”.
Los sistèmas de radar seràn elaborats per Selex Se (Leonardo), del temps que los sistèmas de missils los farà la multinacionala MBDA, una societat que lo 25% aperten a Leonardo. Las armas de bòrd las produson totjorn Leonardo, èx-Finmeccanica.
Al delà de la construccion dels vaissèls de guèrra, l’acòrdi prevei tanben de provesir a Qatar de sosten logistic e de formacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari