Actualitats
Catalonha e Aran: creis largament lo sosten a l’independentisme
L’òc per l’independéncia se sarra del 57% del temps que lo non baissa al 43%
L’independentisme creis en Catalonha e supèra l’espanholisme per mai de 15 ponches d’avantatge segon un sondatge que publiquèt dimenge passat La Vanguardia.
Fach per GAD3 entre lo 13 e lo 16 de junh, lo resultat es que lo 48,4% dels catalans votarián per l’independéncia de Catalonha e Aran, del temps solament lo 35,3% i votarián contra. En mai d’aquò, lo 7,7% reconeisson que votarián pas e l’8,6% sabon pas çò que votarián.
Quitament se totes los que sabon pas çò que votarián votèsson de non, l’òc per l’independéncia s’impausariá. Se levam l’abstencion, l’òc per l’independéncia se sarra del 57% del temps que lo non despassa pas lo 43%.
Segon aquel sondatge, lo 75,7% dels enquestats son partisans de far un “referendum legal” per decidir sus l’independéncia.
Lo sondatge tanben demanda l’opcion de vòte dels ciutadans de Catalonha e Aran fàcia a las eleccions espanhòlas de dimenge que ven. Segon l’estudi, En Comun Podèm (ECP) poiriá engrandir son avantatge de dos deputats.
A l’ora d’ara son nombroses los sondatges tocant lo sosten social a l’independéncia de Catalonha e Aran, tant faches per de centres d’estudis d’opinion politica coma per d’organismes oficials o de mèdias. Las donadas son solament de la comunautat autonòma de Catalonha e Aran.
Fach per GAD3 entre lo 13 e lo 16 de junh, lo resultat es que lo 48,4% dels catalans votarián per l’independéncia de Catalonha e Aran, del temps solament lo 35,3% i votarián contra. En mai d’aquò, lo 7,7% reconeisson que votarián pas e l’8,6% sabon pas çò que votarián.
Quitament se totes los que sabon pas çò que votarián votèsson de non, l’òc per l’independéncia s’impausariá. Se levam l’abstencion, l’òc per l’independéncia se sarra del 57% del temps que lo non despassa pas lo 43%.
Segon aquel sondatge, lo 75,7% dels enquestats son partisans de far un “referendum legal” per decidir sus l’independéncia.
Lo sondatge tanben demanda l’opcion de vòte dels ciutadans de Catalonha e Aran fàcia a las eleccions espanhòlas de dimenge que ven. Segon l’estudi, En Comun Podèm (ECP) poiriá engrandir son avantatge de dos deputats.
A l’ora d’ara son nombroses los sondatges tocant lo sosten social a l’independéncia de Catalonha e Aran, tant faches per de centres d’estudis d’opinion politica coma per d’organismes oficials o de mèdias. Las donadas son solament de la comunautat autonòma de Catalonha e Aran.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jo çò que non compreni se coma i an tanti indecisi, donques que se se hè plan votaràn a partits independentistes.
Visca Catalunya Lliure!
"El Tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari