Actualitats
Itàlia: Renzi s’afronta a una desbranda pesanta, Roma e Turin van al Movement 5 Estelas (M5S)
Una avocata de 37 ans, Virginia Raggi, serà la primièra consolessa de l’istòria de Roma. Segon las primièras donadas de l’escrutini, la candidata del Movement 5 Estelas (M5S, la formacion de Beppe Grillo) a ganhat amb comoditat lo segond torn de las eleccions municipalas italianas fàcia a Roberto Giachetti, lo candidat del Partit Democratic (PD).
Tanben a Turin, Chiara Appendino, la candidata de l’M5S, a vencut lo candidat de Matteo Renzi. Aqueles resultats entraïnaràn un còp important al lideratge politic del primièr ministre e, a l’encòp, consolidaràn l’M5S coma alternativa per disputar lo govèrn italian al PD.
L’avertiment es seriós. Matteo Renzi, que foguèt un jove cònsol de Florença e qu’en 2013 arribèt al govèrn per n’acabar amb los vièlhs vicis de la politica italiana, es ja considerat per un sector de l’electorat coma una partida de la plaga qu’el venguèt teoricament combatre. Lo flambant primièr ministre qu’a las europèas de 2014 atenguèt lo 40,8% dels vòtes, ara s’es mostrat incapable d’ajudar los sieus candidats qu’an perdut las principalas comunas a las municipalas de dimenge.
Lo puniment sofèrt pel PD a Roma es istoric. Virginia Raggi, la candidata del partit contra la classa politica fondat per Beppe Grillo en 2009, a atench lo doble de vòtes —entre lo 64% e lo 68%— fàcia al membre del PD Roberto Giachetti —entre lo 32% e lo 36%—, qu’a lèu-lèu felicitat la ganhanta e a assumit tot lo pes de la desbranda, per cobrir aital la desfacha del primièr ministre.
Mas lo patac contra lo partit de Renzi s’arrestèt pas aquí. Tanben lo recompte dels primièrs bulletins situava leugièrament davant la candidata de l’M5S a Turin, ont fasiá concurréncia a l’actual cònsol Piero Fassino.
Solament a Milan sembla que ganharà lo PD d’un biais ajustat dins lo duèl entre lo candidat del PD, Giuseppe Sala, e lo candidat de Fòrça Itàlia e la Liga Nòrd, Stefano Parisi.
Ont i aviá pas cap de dobte èra a Nàpols, ont l’actual cònsol, Luigi De Magistris, sostengut per de listas civicas e per la formacion d’esquèrra Senèstra Italiana, a escampat lo sieu adversari, lo candidat de centredrecha, Alberto Lettieri. La candidata del PD foguèt ja escartada al primièr torn.
S’a totas aquelas donadas s’apond que, dels 8,6 milions d’italians qu’èran cridats a renovelar 126 comunas, an votat solament lo 54% —aperaquí un 11% de mens qu’al primièr torn—, es evidenta la creissenta desafeccion en Itàlia per la politica en general e per los partits tradicionals.
Pendent los darrièrs jorns, Matteo Renzi a ensajat de levar d’importància a la revirada patida pel Partit Democratic (PD) al primièr torn de las eleccions municipalas, celebrat lo 9 de junh, e o a atribuit a las atavicas divisions de l’esquèrra.
Mas los cases de Roma o de Turin soslinhan que l’afar es mai prigond. E que, en aqueles cases coma en d’autres —Nàpols per exemple—, la figura de Renzi apareis pas mai coma una valor en ascension.
Dins lo cas de Roma, aquel divòrci entre Renzi e son electorat potencial comencèt de se preparar fa un an. Lo cap de l’executiu italian aviá abandonat a son sòrt Ignazio Marino, l’alavetz cònsol del PD. Marino, en marge de las errors que l’avián menat menat fin finala a demissionar, aviá afrontat en solitari las menaças de la màfia Capital —un conglomerat de corrupcion entre politicians, foncionaris, entrepreneires e professionals del crime—. E lo sieu secretari general li aviá pas mostrat son sosten. Una granda partida de l’electorat d’esquèrra dins la vila a avalorat fòrça negativament lo fach que Renzi aja fach tombar lo cònsol Marino.
Pèrdre Roma e Turin es un còp dur per Renzi, qu’afrontarà lo referendum de la reforma constitucionala en octòbre amb un còp de baston sonòr d’aquestas municipalas. La campanha del referendum constitucional determinarà l’astre politic de Matteo Renzi.
Aquesta nòva es adaptada de Geopolítica.cat amb qui Jornalet ten un acòrdi de cooperacion
Tanben a Turin, Chiara Appendino, la candidata de l’M5S, a vencut lo candidat de Matteo Renzi. Aqueles resultats entraïnaràn un còp important al lideratge politic del primièr ministre e, a l’encòp, consolidaràn l’M5S coma alternativa per disputar lo govèrn italian al PD.
L’avertiment es seriós. Matteo Renzi, que foguèt un jove cònsol de Florença e qu’en 2013 arribèt al govèrn per n’acabar amb los vièlhs vicis de la politica italiana, es ja considerat per un sector de l’electorat coma una partida de la plaga qu’el venguèt teoricament combatre. Lo flambant primièr ministre qu’a las europèas de 2014 atenguèt lo 40,8% dels vòtes, ara s’es mostrat incapable d’ajudar los sieus candidats qu’an perdut las principalas comunas a las municipalas de dimenge.
Lo puniment sofèrt pel PD a Roma es istoric. Virginia Raggi, la candidata del partit contra la classa politica fondat per Beppe Grillo en 2009, a atench lo doble de vòtes —entre lo 64% e lo 68%— fàcia al membre del PD Roberto Giachetti —entre lo 32% e lo 36%—, qu’a lèu-lèu felicitat la ganhanta e a assumit tot lo pes de la desbranda, per cobrir aital la desfacha del primièr ministre.
Mas lo patac contra lo partit de Renzi s’arrestèt pas aquí. Tanben lo recompte dels primièrs bulletins situava leugièrament davant la candidata de l’M5S a Turin, ont fasiá concurréncia a l’actual cònsol Piero Fassino.
Solament a Milan sembla que ganharà lo PD d’un biais ajustat dins lo duèl entre lo candidat del PD, Giuseppe Sala, e lo candidat de Fòrça Itàlia e la Liga Nòrd, Stefano Parisi.
Ont i aviá pas cap de dobte èra a Nàpols, ont l’actual cònsol, Luigi De Magistris, sostengut per de listas civicas e per la formacion d’esquèrra Senèstra Italiana, a escampat lo sieu adversari, lo candidat de centredrecha, Alberto Lettieri. La candidata del PD foguèt ja escartada al primièr torn.
S’a totas aquelas donadas s’apond que, dels 8,6 milions d’italians qu’èran cridats a renovelar 126 comunas, an votat solament lo 54% —aperaquí un 11% de mens qu’al primièr torn—, es evidenta la creissenta desafeccion en Itàlia per la politica en general e per los partits tradicionals.
Pendent los darrièrs jorns, Matteo Renzi a ensajat de levar d’importància a la revirada patida pel Partit Democratic (PD) al primièr torn de las eleccions municipalas, celebrat lo 9 de junh, e o a atribuit a las atavicas divisions de l’esquèrra.
Mas los cases de Roma o de Turin soslinhan que l’afar es mai prigond. E que, en aqueles cases coma en d’autres —Nàpols per exemple—, la figura de Renzi apareis pas mai coma una valor en ascension.
Dins lo cas de Roma, aquel divòrci entre Renzi e son electorat potencial comencèt de se preparar fa un an. Lo cap de l’executiu italian aviá abandonat a son sòrt Ignazio Marino, l’alavetz cònsol del PD. Marino, en marge de las errors que l’avián menat menat fin finala a demissionar, aviá afrontat en solitari las menaças de la màfia Capital —un conglomerat de corrupcion entre politicians, foncionaris, entrepreneires e professionals del crime—. E lo sieu secretari general li aviá pas mostrat son sosten. Una granda partida de l’electorat d’esquèrra dins la vila a avalorat fòrça negativament lo fach que Renzi aja fach tombar lo cònsol Marino.
Pèrdre Roma e Turin es un còp dur per Renzi, qu’afrontarà lo referendum de la reforma constitucionala en octòbre amb un còp de baston sonòr d’aquestas municipalas. La campanha del referendum constitucional determinarà l’astre politic de Matteo Renzi.
Aquesta nòva es adaptada de Geopolítica.cat amb qui Jornalet ten un acòrdi de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 L'unitat de qué ? D'unitat, ieu, ne vesi sonque entre PS e PR… Lo neologisme "partit de governament" designa d'elegits (o pas) qu'aplican una refòrmas ditas europèas al servici de la finançalha, al mesprés de l'interés general, social, sanitari, biologic, ecologic e mai donc, economic, del plan mai grand nombre… Los autres partits non serián, segon la prensa dominanta, que d'estabosits ninòis e inconsequents ! Urosament qu'avèm un Jornalet per legir quicòm, ça que la !!!
#1 E òc ! Qu’ei l’argument (lo sofisme) deu PS ençà deus Aups : au nom de l’unitat a l’esquèrra que dévetz emparar la politica de dreta de Valls (5,93% a la primari de 2011) e Macron (jamei elejut enlòc, representativitat 0%). En fèit, au nom de l’unitat a l’esquèrra que cau renonciar a tota polititca d’esquèrra.
N’ei pas de créder las purgas qui’vs vòlen har empassar au nom de l’unitat. E los socialos non son pas solets atau, non.
"las atavicas divisions de l’esquèrra" ??? Volètz, la division entre los dreitistas que se pretendon d'esquèrra e los esquerristas que se demandan çò que los autres amòris foton a esquèrra ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari