L’illa japonesa d’Okinawa es coneguda sus tota la planeta per aver la basa estatsunidenca mai granda del Pacific. Ara, la mòrt d’una civila originària de l’illa a provocat la pus granda manifestacion contra la preséncia estatsunidenca dins l’illa dempuèi 1995. Mai de 65 000 abitants d’Okinawa i participèron.
La tòca èra de demandar la partença dels estatsunidencs de l’illa japonesa e la barradura de las basas militaras d’aquel país dins l’illa. La causa n’es estada la mòrt d’una femna lo mes passat. Un veteran estatsunidenc que trabalha a la basa militara es estat arrestat per èsser liat amb aquela mòrt. La demanda de la partença militara estatsunidenca de l’illa èra pas jamai estada tan granda dempuèi lo violament d’una filha de 12 ans per dos marines estatsunidencs en 1995. E ara ven a la politica.
La lucha de Dàvid contra Goliat
Lo governador d’Okinawa, Takeshi Onaga, èra amb los manifestants per demandar justícia per las gents d’Okinawa. E pendent la manifestacion a Naha, capitala de l’illa, demandèt la tolerància zèro “per los crimes vicioses”. Aital mostrèt son sosten a la reduccion de la preséncia militara estatsunidenca dins l’illa, que mai del 75% del territòri d’Okinawa son jos lo contraròtle de Washington.
En mai d’aquò, las fòrças armadas estatsunidencas an decretat un periòde de 30 jorns de dòl e l’enebicion de beure de bevendas alcolicas en public. L’armada estatsunidenca tanben a confirmat l’enebicion totala de beure d’alcòl après arrestar un marinièr ebri qu’aviá agut un accident de veitura dins l’illa.
Mas las posicions dels abitants de l’illa d’Okinawa son de mai en mai radicalas après aprene que l’armada estatsunidenca vòl bastir un nòu aeropòrt dins l’illa. E malgrat que lo governador d’Okinawa siá del meteis partit politic que lo primièr ministre de Japon, Shinzo Abe, la lucha politica de la petita illa japonesa contra la politica de Tòquio es ara a pena començada. Shinzo Abe non vòl pas reduire la preséncia militara estatsunidenca en Japon pr’amor qu’aquò seriá un dangièr en considerant la politica actuala de China.
Ça que la, la populacion d’Okinawa a votat fa pauc per un cambiament dins la preséncia militara estatsunidenca en demandar sa partença de l’illa. Per tant, i a aquela lucha politica del governador de l’illa, Takeshi Onaga, contra Tòquio. La lucha del petit contra lo gigant.
Okinawa fa partida de l’archipèla de las Illas Ryukyu. Sos estatjants, los ryukyuans, son una minoritat etnolingüistica que subís durament la dominacion japonesa, que s’apond a la dominacion militara estatsunidenca.
Christian Andreu
La tòca èra de demandar la partença dels estatsunidencs de l’illa japonesa e la barradura de las basas militaras d’aquel país dins l’illa. La causa n’es estada la mòrt d’una femna lo mes passat. Un veteran estatsunidenc que trabalha a la basa militara es estat arrestat per èsser liat amb aquela mòrt. La demanda de la partença militara estatsunidenca de l’illa èra pas jamai estada tan granda dempuèi lo violament d’una filha de 12 ans per dos marines estatsunidencs en 1995. E ara ven a la politica.
La lucha de Dàvid contra Goliat
Lo governador d’Okinawa, Takeshi Onaga, èra amb los manifestants per demandar justícia per las gents d’Okinawa. E pendent la manifestacion a Naha, capitala de l’illa, demandèt la tolerància zèro “per los crimes vicioses”. Aital mostrèt son sosten a la reduccion de la preséncia militara estatsunidenca dins l’illa, que mai del 75% del territòri d’Okinawa son jos lo contraròtle de Washington.
En mai d’aquò, las fòrças armadas estatsunidencas an decretat un periòde de 30 jorns de dòl e l’enebicion de beure de bevendas alcolicas en public. L’armada estatsunidenca tanben a confirmat l’enebicion totala de beure d’alcòl après arrestar un marinièr ebri qu’aviá agut un accident de veitura dins l’illa.
Mas las posicions dels abitants de l’illa d’Okinawa son de mai en mai radicalas après aprene que l’armada estatsunidenca vòl bastir un nòu aeropòrt dins l’illa. E malgrat que lo governador d’Okinawa siá del meteis partit politic que lo primièr ministre de Japon, Shinzo Abe, la lucha politica de la petita illa japonesa contra la politica de Tòquio es ara a pena començada. Shinzo Abe non vòl pas reduire la preséncia militara estatsunidenca en Japon pr’amor qu’aquò seriá un dangièr en considerant la politica actuala de China.
Ça que la, la populacion d’Okinawa a votat fa pauc per un cambiament dins la preséncia militara estatsunidenca en demandar sa partença de l’illa. Per tant, i a aquela lucha politica del governador de l’illa, Takeshi Onaga, contra Tòquio. La lucha del petit contra lo gigant.
Okinawa fa partida de l’archipèla de las Illas Ryukyu. Sos estatjants, los ryukyuans, son una minoritat etnolingüistica que subís durament la dominacion japonesa, que s’apond a la dominacion militara estatsunidenca.
Christian Andreu
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari