Actualitats
Mai de 65 milions de desplaçats a causa de la guèrra, segon lo NACNUR
Aquò fa 5,8 milions de personas de mai qu’en 2014. Lo Mond a 21,3 milions de refugiats. Turquia es lo país que mai “n’aculhís” amb 2,5 milions
Las guèrras e las persecucions an causat lo desplaçament de 65,3 milions de personas en 2015, una chifra recòrd, segon çò qu’avertiguèt diluns passat lo Naut Comissariat de las Nacions Unidas pels Refugiats (NACNUR). Aquela donada mòstra una aumentacion de 5,8 milions de personas per rapòrt a 2014. Dins un rapòrt, que se publiquèt diluns, en ocasion del Jorn Mondial dels Refugiats, lo NACNUR assegura que demest los 65,3 milions de desplaçats, 21,3 milions son de refugiats dont lo 51% son d’enfants. Lo rapòrt explica que Turquia es lo país qu’aculhís mai de refugiats dins lo Mond: 2,5 milions.
Lo NACNUR remarca d’un costat “los problèmas d’Euròpa per gerir l’arribada de mai d’un milion de refugiats e d’immigrants via la Mediterranèa”, qu’an dominat l’atencion mediatica d’ongan. De l’autre explica que “l’immensa majoritat dels refugiats mondials se tròban en d’autres endreches”. Dins aquel sens, lo rapòrt precisa que “l’86% dels refugiats son dins de païses d’economia bassa o mejana pròches de las situacions de conflicte”. Aquela quantitat arriba al 90% se se comptabiliza los refugiats palestinians jos la tutèla de l’UNRAWA.
24 desplaçats per minuta
Segon aquelas donadas, cada minuta, 24 personas se son vistas obligadas d’abandonar lor ostal; una chifra un pauc inferiora a las 30 personas per minuta en 2014.
Se los 65,3 milions de desplaçats foguèsson un país, aquel seriá lo vint e unen amb mai de populacion; seriá mai poblat per exemple que lo Reialme Unit.
Lo NACNUR remarca d’un costat “los problèmas d’Euròpa per gerir l’arribada de mai d’un milion de refugiats e d’immigrants via la Mediterranèa”, qu’an dominat l’atencion mediatica d’ongan. De l’autre explica que “l’immensa majoritat dels refugiats mondials se tròban en d’autres endreches”. Dins aquel sens, lo rapòrt precisa que “l’86% dels refugiats son dins de païses d’economia bassa o mejana pròches de las situacions de conflicte”. Aquela quantitat arriba al 90% se se comptabiliza los refugiats palestinians jos la tutèla de l’UNRAWA.
24 desplaçats per minuta
Segon aquelas donadas, cada minuta, 24 personas se son vistas obligadas d’abandonar lor ostal; una chifra un pauc inferiora a las 30 personas per minuta en 2014.
Se los 65,3 milions de desplaçats foguèsson un país, aquel seriá lo vint e unen amb mai de populacion; seriá mai poblat per exemple que lo Reialme Unit.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo primier es acabar la guerra. Ajudar a Siria a derrotar a l' EI coma fan los russos e los kurs. Per desgràcia l'Imperi ha creat l'EI e ara procura disimular.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari