Actualitats
Nom de las regions: l’ANÒC demanda qu’Auvèrnhe-Ròse-Alps mençone son occitanitat
Lo 41 % del territòri d’aquela nòva region, que uèi elegís oficialament son nom, son de lenga e de cultura occitanas
L’Assemblada Nacionala Occitana (ANÒC) a manifestat tanben son vejaire a prepaus del nom de las regions, e demanda que la nòva region fruch de l’union d’Auvèrnhe e de Ròse-Alps, qu’elegís uèi oficialament son nom, faga mençon de son occitanitat. “La fusion de las regions d’Auvèrnhe e de Ròse-Aups constituís un certan progrès dins la mesura que los departaments majoritàriament occitans de Droma e d’Ardecha, isolats a passat temps dins la region de Ròse-Aups de predominància arpitana, se restacharàn ansin a Auvèrnhe. En mai d’aquò, lo 41 % dau territòri de la novèla region seràn de lenga e cultura occitanas”, çò afirma l’ANÒC dins un comunicat de premsa.
De mai, l’ANÒC critica la nòva division regionala, que considèra coma “una cortina de fum”, e sustot lo biais arbitrari e tecnocratic d’aquelas fusions que “se son realizadas de la mesma manèira sens consultar lo vejaire de la populacion e de las collectivitats localas. Aquò constituís una manca de democracia denonciada per lo Conselh d’Euròpa. Enfin, aquela reforma levarà pas los problèmas estructurals de las regions: manca d’autonomia, feblesa economica, problèma budgetari...”
Ça que la, l’ANÒC especifica dins son comunicat que, dins sa tòca d’arribar a “una entitat unica per Occitània, rassemblant totes los país d’òc”, considèra que “l’union de totas las províncias d’òc se farà per estapas e que la reforma territoriala n’es una primèira”, e es per aquò que demanda que los noms de las regions fagan mençon de son occitanitat.
Lo nom “Occitània” serà validat per la region centrala
De son costat, Carole Delga, la presidenta de la nòva region, fruch de la fusion de Lengadòc-Rosselhon e Miègjorn-Pirenèus, validarà deman lo nom d’“Occitània” per nomenar la region. Dins l’assemblada d’elegits que se tendrà per prepausar a París un nom per la granda region, la presidenta a manifestat qu’es impossible de “trapar” un nom que se siá largament impausat fàcia als autres noms dins un procès participatiu popular.
Ara, la presidenta entamena una sèria de dialògs e d’encontres amb los actors economics e politics de la region, qu’avián exprimit lors resèrvas sul nom d’”Occitània” per la region, e tanben amb los catalans per trobar una solucion consensuala. Segon un blòg politic de la cadena de television France 3, s'i apondriá lo sotatítol "Pirenèus-Mediterranèa".
L’ANÒC
L’Assemblada Nacionala Occitana (ANÒC) es una associacion, que vòl èsser transversala e integratritz, e bastir “una organizacion populara, plurala amb una estructura politica digna e de drech internacional”, çò es, una estructura que tòque la majoritat del movement associatiu, politic e social del país amb l’objectiu de lo far avançar dins “la recuperacion de la consciéncia nacionala occitana”.
Lo prepaus de l’ANÒC es, doncas, la reconeissença d’Occitània coma nacion e, per tant, que se li reconesca lo drech d’autodeterminacion per, s’o vòl aital, se constituir en estat independent. E mai, l’ANÒC precisa qu’aquel estat occitan deurà èsser “de drech, democratic, social e ecologic”. Divèrsas organizacions i an aderit, aital coma de personas a títol individual de pertot del país. Delà aquel objectiu politic ambiciós, la nòva associacion tanben vòl promòure l’usatge de la lenga occitana, mai que mai dins l’educacion.
De mai, l’ANÒC critica la nòva division regionala, que considèra coma “una cortina de fum”, e sustot lo biais arbitrari e tecnocratic d’aquelas fusions que “se son realizadas de la mesma manèira sens consultar lo vejaire de la populacion e de las collectivitats localas. Aquò constituís una manca de democracia denonciada per lo Conselh d’Euròpa. Enfin, aquela reforma levarà pas los problèmas estructurals de las regions: manca d’autonomia, feblesa economica, problèma budgetari...”
Ça que la, l’ANÒC especifica dins son comunicat que, dins sa tòca d’arribar a “una entitat unica per Occitània, rassemblant totes los país d’òc”, considèra que “l’union de totas las províncias d’òc se farà per estapas e que la reforma territoriala n’es una primèira”, e es per aquò que demanda que los noms de las regions fagan mençon de son occitanitat.
Lo nom “Occitània” serà validat per la region centrala
De son costat, Carole Delga, la presidenta de la nòva region, fruch de la fusion de Lengadòc-Rosselhon e Miègjorn-Pirenèus, validarà deman lo nom d’“Occitània” per nomenar la region. Dins l’assemblada d’elegits que se tendrà per prepausar a París un nom per la granda region, la presidenta a manifestat qu’es impossible de “trapar” un nom que se siá largament impausat fàcia als autres noms dins un procès participatiu popular.
Ara, la presidenta entamena una sèria de dialògs e d’encontres amb los actors economics e politics de la region, qu’avián exprimit lors resèrvas sul nom d’”Occitània” per la region, e tanben amb los catalans per trobar una solucion consensuala. Segon un blòg politic de la cadena de television France 3, s'i apondriá lo sotatítol "Pirenèus-Mediterranèa".
L’ANÒC
L’Assemblada Nacionala Occitana (ANÒC) es una associacion, que vòl èsser transversala e integratritz, e bastir “una organizacion populara, plurala amb una estructura politica digna e de drech internacional”, çò es, una estructura que tòque la majoritat del movement associatiu, politic e social del país amb l’objectiu de lo far avançar dins “la recuperacion de la consciéncia nacionala occitana”.
Lo prepaus de l’ANÒC es, doncas, la reconeissença d’Occitània coma nacion e, per tant, que se li reconesca lo drech d’autodeterminacion per, s’o vòl aital, se constituir en estat independent. E mai, l’ANÒC precisa qu’aquel estat occitan deurà èsser “de drech, democratic, social e ecologic”. Divèrsas organizacions i an aderit, aital coma de personas a títol individual de pertot del país. Delà aquel objectiu politic ambiciós, la nòva associacion tanben vòl promòure l’usatge de la lenga occitana, mai que mai dins l’educacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Se parla de "Hauts de France", aici siem dins los "Nauts d'Occitània"...
Que lo posin en occitan e pron !
lo Bearn que demanda mencionar la sua GASCONITAT
Ara, la presidenta entamena una sèria de dialògs e d’encontres amb los Catalans per trobar una solucion consensuala. Segon un blòg politic de la cadena de television France 3, s'i apondriá lo sotatítol "Pirenèus-Mediterranèa". Mas ? Ni Pirenèus ni Mediterranèa non fan justícia de la catalanetat de Catalonha Nòrd ! Vesi pas çò qu'aquela precision aprotariá a Catalonha… E puèi, es ridicul : gaireben ma tit de la region en question s'espandís subre lo Massís Central, mentre que los Pirenèus lo bòrda a la termièra sud, ni res mai.
Aquò rai ! Per botar los Catalans d'accòrdi amb nosaurtes, prepausi l'annexion de M.P.L.R. a un Principat de Catanolnha independent, e direm l'ensenble del nòu estat Conjunt Occitano-Catalan Central, amb generalizacion de la poloitica linguïstica e culturala del Principat a l'ensemble del territòri… Central, estant que Valéncia, la Franja, las Islas, Provença, Aquitània e Auvèrnha i seràn a l'entorn, ni mai, ni mens. Purament descipiu, aquel "central", que non pas "sistemic"…
Auvergne-Arpitanie-Vivarais-Dauphiné ? Moè...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari